நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான ருசியான.. பச்சை பட்டாணி மசாலா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
இன்று இரவு உங்கள் வீட்டில் சப்பாத்தி செய்ய திட்டமிட்டுள்ளீர்களா? அதற்கு சைடு டிஷ் என்ன செய்வதென்று யோசித்துக் கொண்டிருக்கிறீர்களா? அப்படியானால் பச்சை பட்டாணி மசாலா செய்யுங்கள். இது சப்பாத்திக்கு அற்புதமான சைடு டிஷ். மேலும் குழந்தைகளும் விரும்பி சாப்பிடும் வகையில் ருசியாக இருக்கும்.
MOST READ: வெஜிடேபிள் சால்னா/பரோட்டா சால்னா
தேவையான பொருட்கள்:
* எண்ணெய் – 3 டேபிள் ஸ்பூன்
* சீரகம் – 1 டீஸ்பூன்
* பட்டை – 1
* ஏலக்காய் – 4
* வெங்காயம் – 2 (பெரியது மற்றும் நறுக்கியது)
* தக்காளி – 3 (நறுக்கியது)
* மிளகாய் தூள் – 2 டீஸ்பூன்
* மல்லித் தூள் – 1 டேபிள் ஸ்பூன்
* மஞ்சள் தூள் – 1 டீஸ்பூன்
* சீரகப் பொடி – 1 டீஸ்பூன்
* கரம் மசாலா – 1 டீஸ்பூன்
* உப்பு – சுவைக்கேற்ப
* முந்திரி – 10
* பூசணி விதைகள் – 3 டேபிள் ஸ்பூன்
* சர்க்கரை – 1 டீஸ்பூன்
* பச்சை பட்டாணி – 2 கப்
செய்முறை:
* முதலில் மிக்ஸி ஜாரில் வெங்காயம், தக்காளி போட்டு நன்கு மென்மையாக அரைத்துக் கொள்ள வேண்டும்.
* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பட்டை, சீரகம், ஏலக்காய் சேர்த்து தாளிக்கவும்.
* அடுத்து அரைத்த வெங்காய விழுதை சேர்த்து 5 நிமிடம் வேக வைக்க வேண்டும்.
* பின்பு மிளகாய் தூள், மல்லித் தூள், மஞ்சள் தூள், சீரகப் பொடி, கரம் மசாலா மற்றும் சுவைக்கேற்ப உப்பு சேர்த்து நன்கு கிளறி, எண்ணெய் தனியாக பிரியும் வரை நன்கு வேக விடவும்.
* அதற்குள் முந்திரி மற்றும் பூசணி விதைகளை அரைத்து பேஸ்ட் செய்து கொள்ளவும். பின் அதை மசாலாவுடன் சேர்த்து, தேவையான அளவு நீர் ஊற்றி, நன்கு கொதிக்க வைக்கவும்.
* மசாலா நன்கு கொதிக்க ஆரம்பித்ததும், அதில் பச்சை பட்டாணி மற்றும் சர்க்கரை சேர்த்து கிளறி, மூடி வைத்து 5-10 நிமிடம் வேக வைத்து இறக்கினால், சுவையான பச்சை பட்டாணி மசாலா தயார்.
IMAGE COURTESY
இந்த பதிவின் மூலமாக ருசியான.. பச்சை பட்டாணி மசாலா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி ருசியான.. பச்சை பட்டாணி மசாலா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
