நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான கோபி மசாலா கிரேவி ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
இரவு சப்பாத்திக்கு என்ன சைடு டிஷ் செய்வதென்று தெரியாமல் இருக்கிறீர்களா? உங்கள் வீட்டில் காலிஃப்ளவர் உள்ளதா? அப்படியானால் அதைக் கொண்டு ஒரு கிரேவி செய்யுங்கள். இந்த கோபி மசாலா கிரேவி சப்பாத்திக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும். அதோடு இது குழந்தைகள் முதல் பெரியவர்கள் வரை அனைவரும் விரும்பி சாப்பிடக்கூடியவாறு இருக்கும்.
தேவையான பொருட்கள்:
* காலிஃப்ளவர் – 1 (துண்டுகளாக்கிக் கொள்ளவும்)
* வெங்காயம் – 1 (பொடியாக நறுக்கியது)
* தக்காளி – 2 (அரைத்தது)
* இஞ்சி பூண்டு விழுது – 1 டீஸ்பூன்
* மிளகாய் தூள் – 1 டீஸ்பூன்
* கரம் மசாலா – 1/4 டீஸ்பூன்
* மல்லித் தூள் – 1/2 டீஸ்பூன்
* பால் – 1/4 கப்
* உலர்ந்த வெந்தய கீரை – 1/4 டீஸ்பூன்
* கொத்தமல்லி – சிறிது
* உப்பு – சுவைக்கேற்ப
தாளிப்பதற்கு…
* எண்ணெய் – 1 டீஸ்பூன்
* சீரகம் – 1/2 டீஸ்பூன்
* பட்டை – 1/4 இன்ச்
* கிராம்பு – 2
* ஏலக்காய் – 1
* பச்சை மிளகாய் – 1 (பொடியாக நறுக்கியது)
செய்முறை:
* முதலில் காலிஃப்ளவரை சுத்தம் செய்து நீரில் போட்டு சிறிது உப்பு சேர்த்து, வேக வைத்து தனியாக எடுத்து வைத்துக் கொள்ள வேண்டும்.
* பின்னர் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும் தாளிப்பதற்கு கொடுத்துள்ள பொருட்களை சேர்த்து தாளிக்க வேண்டும்.
* பின்பு அதில் இஞ்சி பூண்டு விழுது, வெங்காயம் மற்றும் பச்சை மிளகாய் சேர்த்து நன்கு பொன்னிறமாக வதக்க வேண்டும்.
* பிறகு அரைத்த தக்காளியை சேர்த்து, அத்துடன், மிளகாய் தூள், கரம் மசாலா மற்றும் மல்லித் தூள் சேர்த்து, சுவைக்கேற்ப உப்பு தூவி பச்சை வாசனை போக நன்கு 3-5 நிமிடம் வதக்க வேண்டும்.
* பின் அதில் 1/4 கப் நீரை ஊற்றி சில நிமிடங்கள் கொதிக்க வைக்க வேண்டும்.
* பின்பு அதில் பால் சேர்த்து கிளறி, சில நிமிடங்கள் குறைவான தீயில் கொதிக்க வைக்க வேண்டும்.
* கிரேவியானது ஓரளவு கெட்டியாக ஆரம்பிக்கும் போது, அதில் உலர்ந்த வெந்தய கீரை, வேக வைத்த காலிஃப்ளவர் சேர்த்து நன்கு மசாலாவில் காலிஃப்ளவரைக் கிளறிவிட்டு, கொத்தமல்லியைத் தூவி இறக்கினால், சுவையான காலிஃப்ளவர் மசாலா கிரேவி தயார்.
Image Courtesy: sharmispassions
இந்த பதிவின் மூலமாக கோபி மசாலா கிரேவி எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி கோபி மசாலா கிரேவி ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
