நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான சில்லி பேபி கார்ன் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
உங்கள் குழந்தைகள் பேபி கார்னை விரும்பி சாப்பிடுவார்களா? அதுவும் சில்லி பேபி கார்ன் ரொம்ப பிடிக்குமா? அவர்களுக்கு இதுவரை கடைகளில் தான் சில்லி பேபி கார்னை வாங்கி கொடுத்திருக்கிறீர்களா? அப்படியானால் இனிமேல் அதை வீட்டிலேயே செய்து கொடுங்கள். இந்த சில்லி பேபி கார்ன் செய்வது மிகவும் சுலபம். அதோடு இது ஒரு சுவையான ஸ்நாக்ஸ் கூட.
தேவையான பொருட்கள்:
மாவு தயாரிப்பதற்கு…
* பேபி கார்ன் – 15
* சோள மாவு – 3 டேபிள் ஸ்பூன்
* மைதா – 2 டேபிள் ஸ்பூன்
* மிளகுத் தூள் – 1 டீஸ்பூன்
* உப்பு – சுவைக்கேற்ப
* எண்ணெய் – பொரிப்பதற்கு தேவையான அளவு
பிற பொருட்கள்…
* ஆலிவ் ஆயில் – 1 டேபிள் ஸ்பூன்
* பெரிய வெங்காயம் – 1/4 கப் (நீளமாக நறுக்கியது)
* பச்சை மிளகாய் – 1 (பொடியாக நறுக்கியது)
* ஸ்பிரிங் ஆனியன் வெள்ளைப் பகுதி – 1 டீஸ்பூன் (பொடியாக நறுக்கியது)
* ஸ்பிரிங் ஆனியன் பச்சை பகுதி – 2 டேபிள் ஸ்பூன் (பொடியாக நறுக்கியது)
* குடைமிளகாய் – 1/4 கப் (நீளமாக நறுக்கியது)
* பூண்டு – 1 டீஸ்பூன் (பொடியாக நறுக்கியது)
* சோயா சாஸ் – 1/4 டீஸ்பூன்
* சில்லி சாஸ் – 1/2 டீஸ்பூன்
* தக்காளி சாஸ் – 1 டேபிள் ஸ்பூன்
* மிளகுத் தூள் – 1/4 டீஸ்பூன்
* உப்பு – சுவைக்கேற்ப
செய்முறை:
* முதலில் ஒரு பாத்திரத்தில் நீரை ஊற்றி அடுப்பில் வைத்து, நன்கு கொதிக்க ஆரம்பித்ததும் இறக்கி, பேபி கார்னை சேர்த்து 5 நிமிடம் அப்படியே ஊற வைக்க வேண்டும். பின் அதை எடுத்து சிறு நீளத் துண்டுகளாக வெட்டிக் கொள்ள வேண்டும்.
* பின் ஒரு பௌலில் சோள மாவு, மைதா, மிளகுத் தூள் மற்றும் உப்பு சேர்த்து சிறிது நீர் ஊற்றி பேஸ்ட் செய்து கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், பேபி கார்ன் துண்டுகளை மைதா பேஸ்ட்டில் பிரட்டி எண்ணெயில் போட்டு பொன்னிறமாக பொரித்து தனியாக எடுத்து வைத்துக் கொள்ள வேண்டும்.
* பிறகு ஒரு வாணலியை அடுப்பில் வைத்து, அதில் ஆலிவ் ஆயில் ஊற்றி சூடானதும், பச்சை மிளகாய், பூண்டு, ஸ்பிரிங் ஆனியன் வெள்ளைப் பகுதி சேர்த்து 2 நிமிடம் வதக்கி, பின் வெங்காயத்தை சேர்த்து சிறிது நேரம் வதக்கி, அதன் பின் குடைமிளகாய் சேர்த்து சில நிமிடங்கள் வதக்க வேண்டும்.
* அடுத்து, அதில் பொரித்த பேபி கார்னை சேர்த்து, அத்துடன் தக்காளி சாஸ், சில்லி சாஸ், சோயா சாஸ் மற்றும் மிளகுத் தூள் சேர்த்து நன்கு கிளறி, அதன் பின் ஸ்பிரிங் ஆனியனின் பச்சை பகுதியை சேர்த்து கிளறி இறக்கினால், சுவையான சில்லி பேபி கார்ன் தயார்.
Image Courtesy: sharmispassions
இந்த பதிவின் மூலமாக சில்லி பேபி கார்ன் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி சில்லி பேபி கார்ன் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
