நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான Dal Chicken Recipe : சிக்கன் தால் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
நீங்கள் சிக்கன் பிரியரா? சிக்கனை பலவாறு சமைத்து ருசித்திருக்கிறீர்களா? அதுவும் சிக்கனைக் கொண்டு தால் செய்து சுவைத்திருக்கிறீர்களா? என்ன புரியவில்லையா? அதாவது சிக்கன் தால் செய்து சுவைத்துள்ளீர்களா? இல்லையா? அப்படியானால் அடுத்த முறை சிக்கன் வாங்கினால் அதைக் கொண்டு சிக்கன் தால் செய்து சுவையுங்கள். இந்த சிக்கன் தால் சப்பாத்தி, புல்கா, சாதம் போன்றவற்றுடன் சேர்த்து சாப்பிட அற்புதமாக இருக்கும். அதோடு இது செய்வதற்கும் சுலபமாக இருக்கும்.
தேவையான பொருட்கள்:
* சிக்கன் – 250 கிராம்
* பச்சை மிளகாய் – 2 (நீளமாக கீறியது)
* கறிவேப்பிலை – சிறிது
* தக்காளி – 1 (நறுக்கியது)
* மஞ்சள் தூள் – 1 டீஸ்பூன்
* உப்பு – சுவைக்கேற்ப
* பாசிப்பருப்பு – 1/2 கப்
* தண்ணீர் – 2-3 கப்
* கொத்தமல்லி – சிறிது
தாளிப்பதற்கு…
* நெய் – 1 டேபிள் ஸ்பூன்
* சீரகம் – 1 டீஸ்பூன்
* வெங்காயம் – 1 (பொடியாக நறுக்கியது)
* இஞ்சி பூண்டு பேஸ்ட் – 1 டேபிள் ஸ்பூன்
செய்முறை:
* முதலில் பாசிப்பருப்பை நன்கு கழுவி நீரில் 30 நிமிடம் ஊற வைக்க வேண்டும்.
* பின்னர் ஒரு பாத்திரத்தில் சிக்கனை கழுவி எடுத்துக் கொள்ள வேண்டும்.
* பின் அதில் பச்சை மிளகாய், தக்காளி, கறிவேப்பிலை, உப்பு, மஞ்சள் தூள் மற்றும் நீர் ஊற்றி நன்கு கொதிக்க வைக்க வேண்டும்.
* நீரானது நன்கு கொதிக்க ஆரம்பித்ததும், தீயை குறைத்து மூடி வைத்து சிக்கனை 25 நிமிடம் வேக வைக்க வேண்டும்.
* பின்பு அதில் ஊற வைத்துள்ள பாசிப்பருப்பை கழுவிப் போட்டு, 15 நிமிடம் மீண்டும் கொதிக்க வைக்க வேண்டும். பாசிப்பருப்பு நன்கு வெந்ததும், அடுப்பில் இருந்து இறக்கி விட வேண்டும்.
* அடுத்து ஒரு சிறு வாணலியை அடுப்பில் வைத்து, அதில் நெய் ஊற்றி சூடானதும், சீரகம் சேர்த்து தாளித்து, வெங்காயத்தைப் போட்டு பொன்னிறமாக வதக்கி, பின் இஞ்சி பூண்டு பேஸ்ட் சேர்த்து பச்சை வாசனை போக வதக்க வேண்டும்.
* பிறகு அதை இறக்கி வைத்துள்ள பருப்புடன் சேர்த்து கிளறி, கொத்தமல்லியைத் தூவி கிளறினால், சிக்கன் தால் தயார்.
இந்த பதிவின் மூலமாக Dal Chicken Recipe : சிக்கன் தால் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி Dal Chicken Recipe : சிக்கன் தால் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
