நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான பிரட் சீஸ் பைட்ஸ் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
உங்கள் வீட்டில் பிரட் உள்ளதா? உங்கள் குழந்தைகளுக்கு எப்போதும் பிரட் டோஸ்ட் செய்து கொடுத்து போர் அடிக்கிறதா? அப்படியானால் இன்று அவர்களுக்கு சற்று வித்தியாசமாகவும், விரும்பி சாப்பிடும் வகையிலும் பிரட் கொண்டு அற்புதமான ஒரு ஸ்நாக்ஸ் செய்து கொடுத்து அசத்துங்கள். அது வேறொன்றும் இல்லை, பிரட் சீஸ் பைட்ஸ் தான். இந்த பிரட் சீஸ் பைட்ஸ் குழந்தைகள் மட்டுமின்றி, பெரியோர்களும் விரும்பி சாப்பிடும் வகையில் ருசியாக இருக்கும். குறிப்பாக இது 5 நிமிடத்தில் செய்யக்கூடிய ஒரு எளிமையான ஸ்நாக்ஸ்.
இப்போது பிரட் சீஸ் பைட்ஸ் எப்படி செய்வதென்று காண்போம். அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
MOST READ: சுவையான… பன்னீர் போண்டா
தேவையான பொருட்கள்:
* பிரட் துண்டுகள் – 2
* சீஸ் துண்டுகள் அல்லது துருவிய சீஸ்
* சோள மாவு – 3 டேபிள் ஸ்பூன்
* தண்ணீர் – 1/4
* பிரட் தூள் – 1/2 கப்
* எண்ணெய் – பொரிப்பதற்கு தேவையான அளவு
செய்முறை:
* முதலில் ஒரு பிரட் துண்டை எடுத்து, அதன் மேல் தேவையான சதுர சீஸ் துண்டுகளை வைக்கவும் அல்லது தேவையான அளவு துருவிய சீஸ் தூவிக் கொள்ளவும்.
* பின் அதன் மேல் மற்றொரு பிரட் துண்டை வைக்க வேண்டும்.
* பின்பு ஒரு கத்தியால் துண்டுகளாக்கிக் கொள்ள வேண்டும்.
* பிறகு சோள மாவை நீர் சேர்த்து ஓரளவு நீர் போன்று கலந்து கொள்ள வேண்டும்.
* பின் வெட்டி வைத்துள்ள ஒரு பிரட் துண்டை எடுத்து, சோள மாவில் பிரட்டி, பின் பிரட் தூளில் பிரட்டி எடுத்து, ஒரு தட்டில் வைத்துக் கொள்ள வேண்டும். இதேப் போல் அனைத்து பிரட் துண்டுகளையும் பிரட்டி எடுத்துக் கொள்ள வேண்டும்.
* அடுத்து ஒரு பேனை அடுப்பில் வைத்து, அதில் சிறிது எண்ணெய் ஊற்றி சூடேற்ற வேண்டும். எண்ணெய் சூடானதும், பிரட் துண்டுகளைப் போட்டு முன்னும் பின்னும் பொன்னிறமாக பொரித்து எடுத்தால், சுவையான பிரட் சீஸ் பைட்ஸ் தயார்.
இந்த பதிவின் மூலமாக பிரட் சீஸ் பைட்ஸ் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி பிரட் சீஸ் பைட்ஸ் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
