நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான சுரைக்காய் அடை தோசை ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
தோசையில் பல வெரைட்டிகள் உள்ளன. அதில் அடை தோசை உடலுக்கு மிகவும் நல்லது. இதில் புரோட்டீன், இரும்புச்சத்து போன்றவை அதிகம் நிறைந்திருப்பதால், வாரத்திற்கு ஒருமுறை அடை தோசை சாப்பிடுவது உடல் ஆரோக்கியத்திற்கு நல்லது. அதிலும் வளரும் குழந்தைகளுக்கு வாரத்திற்கு ஒருமுறை இம்மாதிரியான தோசை சுட்டுக் கொடுப்பது ஊட்டச்சத்து குறைபாடு ஏற்படாமல் தடுக்கும்.
அடை தோசையில் சுரைக்காய் அடை தோசை சற்று வித்தியாசமான ருசியில் இருக்கும்.
தேவையான பொருட்கள்:
* பாசி பயறு – 1/4 கப்
* பச்சை பயறு – 1/4 கப்
* கடலை பருப்பு – 1/4 கப்
* கொண்டைக்கடலை – 1/4 கப்
* துவரம் பருப்பு – 1/4 கப்
* உளுத்தம் பருப்பு – 1/4 கப்
* மைசூர் பருப்பு – 1/4 கப்
* கருப்பு சுண்டல் – 1/4 கப்
* அரிசி – 2 கப்
* எண்ணெய் – 1 டேபிள் ஸ்பூன்
* சீரகம் – 2 டீஸ்பூன்
* பெருங்காயத் தூள் – 1 டீஸ்பூன்
* வரமிளகாய் – 2
* கறிவேப்பலை – சிறிது
* சுரைக்காய் – 4 கப் (துருவியது)
* மிளகாய் தூள் – 2 டேபிள் ஸ்பூன்
* உப்பு – சுவைக்கேற்ப
* எண்ணெய் – தோசை சுடுவதற்கு தேவையான அளவு
செய்முறை:
* முதலில் அனைத்து பருப்புக்கள் மற்றும் அரிசியை நீரில் குறைந்தது 4 மணிநேரம் ஊற வைத்துக் கொள்ளுங்கள்.
* பின் அதை நன்கு கழுவி, மிக்ஸி ஜார் அல்லது கிரைண்டரில் போட்டு நன்கு மென்மையாக அரைத்துக் கொள்ளுங்கள்.
* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், சீரகம், பெருங்காயத் தூள், வர மிளகாய், கறிவேப்பிலை சேர்த்து தாளித்துக் கொள்ளவும்.
* பிறகு அதில் துருவிய சுரைக்காயை சேர்த்து நன்கு 5 நிமிடம் கிளறி இறக்கி, அரைத்து வைத்துள்ள மாவுடன் சேர்த்து கலந்து கொள்ளவும்.
* அதோடு மிளகாய் தூள் மற்றும் தேவையான அளவு உப்பு சேர்த்து நன்கு கிளறி விடுங்கள். இப்போது அடை மாவு தயார்.
* அதன் பின் தோசைக் கல்லை அடுப்பில் வைத்து, கல் சூடானதும் அடை மாவு கொண்டு தோசை சுட்டு, எண்ணெய் ஊற்றி, முன்னும், பின்னும் நன்கு பொன்னிறமாகும் வரை வேக வைத்து எடுத்தால், சுவையான சுரைக்காய் அடை தோசை ரெடி! இந்த அடை தோசைக்கு தேங்காய் சட்னி பிரமாதமாக இருக்கும்.
IMAGE COURTESY
இந்த பதிவின் மூலமாக சுரைக்காய் அடை தோசை எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி சுரைக்காய் அடை தோசை ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
