நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான சத்தான… வாழைத்தண்டு சூப் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

மாலை வேளையில் எப்போதும் காபி, டீ குடித்து போர் அடித்திருந்தால், இன்று உங்கள் வீட்டில் சூப் செய்து குடியுங்கள். அதுவும் வாழைத்தண்டு சூப் செய்து குடியுங்கள். வாழைத்தண்டில் நார்ச்சத்து அதிகம் உள்ளது மற்றும் அது உடலுக்கு குளிர்ச்சியைத் தரும் மற்றும் உடல் எடையைக் குறைக்க உதவும். மேலும் வாழைத்தண்டில் நீர்ப்பெருக்கி பண்புகள் உள்ளதாக கூறப்படுகிறது. எனவே இது உடலில் இருந்து நச்சுக்களை வெளியேற்றும்.

அதோடு வாழைத்தண்டு சூப்பில் கொழுப்பு குறைவு மற்றும் செரிமான மண்டலத்தாலும் எளிதில் செரிமானமாகக் கூடியவை. இப்போது வாழைத்தண்டு சூப் எப்படி செய்வதென்று காண்போம். அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

MOST READ: ருசியான… இளநீர் பாயாசம்

தேவையான பொருட்கள்:

* வாழைத்தண்டு – 1 கப் (நறுக்கியது)

* மஞ்சள் தூள் – 1 சிட்டிகை

* சீரகப் பொடி – 1/4 டீபூன்

* மிளகுத் தூள் – சுவைக்கேற்ப

* எலுமிச்சை சாறு – சுவைக்கேற்ப

* உப்பு – சுவைக்கேற்ப

தாளிப்பதற்கு..

* எண்ணெய் – 1 டீபூன்

* கடுகு – 1/2 டீபூன்

* கறிவேப்பிலை – சிறிது

* கொத்தமல்லி – சிறிது

செய்முறை:

* முதலில் வாழைத்தண்டில் உள்ள நார் பகுதியை நீக்கிவிட்டு, பின் பொடியாக நறுக்கிக் கொள்ளவும்.

* நறுக்கிய வாழைத்தண்டை மோரில் போட்டு சிறிது நேரம் ஊற வைக்கவும்.

* பின்பு ஒரு குக்கரில் நறுக்கிய வாழைத்தண்டு, உப்பு, மஞ்சள் தூள் மற்றும் 2 கப் நீரை ஊற்றி அடுப்பில் வைத்து, 3 விசில் விட்டு இறக்கிக் கொள்ள வேண்டும்.

* வாழைத்தண்டு மென்மையாக வெந்ததும், அதில் உள்ள நீரை வடிகட்டி தனியாக வைத்துக் கொள்ளவும்.

* பிறகு வேக வைத்துள்ள வாழைத்தண்டை மிக்சர் ஜாரில் போட்டு, சிறிது நீர் அல்லது வாழைத்தண்டு வேக வைத்த நீரை ஊற்றி அரைத்து வடிகட்டிக் கொண்டு, பின் அதை எஞ்சிய வாழைத்தண்டு வேக வைத்துள்ள நீருடன் சேர்த்து கலந்து கொள்ளவும்.

* பின் அந்த கலவையை அடுப்பில் வைத்து, நன்கு கொதிக்க வைக்கவும். அதே சமயம் மற்றொரு அடுப்பில், வாணலியை வைத்து, அதில் எண்ணெய் ஊற்றி சூடானதும், கடுகு மற்றும் கறிவேப்பிலை சேர்த்து தாளித்து, அடுப்பில் வைத்துள்ள சூப்புடன் சேர்த்துக் கொள்ளவும்.

* பின்பு சீரகப் பொடி, உப்பு, மிளகுத் தூள் மற்றும் எலுமிச்சை சாறு ஆகியவற்றை சூப்புடன் சேர்த்து கலந்து, மேலே சிறிது கொத்தமல்லியைத் தூவினால், சுவையான வாழைத்தண்டு சூப் தயார்.

Image Courtesy: padhuskitchen

இந்த பதிவின் மூலமாக சத்தான… வாழைத்தண்டு சூப் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி சத்தான… வாழைத்தண்டு சூப் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .