நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான வல்லாரைக் கீரை துவையல் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

வல்லாரைக் கீரை உடலுக்கு மிகவும் நல்லது. குறிப்பாக மாணவர்கள் வல்லாரைக் கீரையை சாப்பிட்டால், அவர்களின் நினைவாற்றல் திறன் அதிகரிக்கும். தற்போது காலாண்டு தேர்வு நடைபெற்று வருவதால், குழந்தைகளுக்கு வல்லாரைக் கீரையை அடிக்கடி சமைத்துக் கொடுத்தால், அவர்களின் நினைவாற்றல் சிறப்பாக இருக்கும். வல்லாரைக் கீரையைக் கொண்டு சாம்பார், துவையல் என்று செய்யலாம். இதில் வல்லாரைக் கீரை துவையல் இட்லி, தோசை, சாதம் போன்றவற்றுடன் சேர்த்து சாப்பிட அற்புதமாக இருக்கும்.

தேவையான பொருட்கள்:

* எண்ணெய் – 1 டீஸ்பூன்

* கடலைப் பருப்பு – 1 டேபிள் ஸ்பூன்

* மிளகு – 1 டீஸ்பூன்

* சீரகம் – 1 டீஸ்பூன்

* சின்ன வெங்காயம் – 10 (தோலுரித்தது)

* பூண்டு – 5 பற்கள்

* வரமிளகாய் – 2

* வல்லாரைக் கீரை – 2 கப்

* தேங்காய் – 2 டேபிள் ஸ்பூன்

* வெல்லம் – 1 டீஸ்பூன்

* புளிச்சாறு – 1 டேபிள் ஸ்பூன்

* உப்பு – சுவைக்கேற்ப

செய்முறை:

* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடலைப் பருப்பு, மிளகு, வரமிளகாய் மற்றும் சீரகம் சேர்த்து தாளிக்க வேண்டும்.

* பின் அதில் வெங்காயம், பூண்டு சேர்த்து சில நிமிடங்கள் வதக்கி இறக்கி, ஒரு தட்டில் போட்டு குளிர வைக்க வேண்டும்.

* பின்பு அதே வாணலியை அடுப்பில் வைத்து, அதில் வல்லாரைக் கீரையை போட்டு 2 நிமிடம் வதக்கவும். பின் அதில் தேங்காயை சேர்த்து ஒரு நிமிடம் வதக்கி இறக்க வேண்டும்.

* பிறகு மிக்சர் ஜாரில் வதக்கிய பொருட்கள் அனைத்தையும் சேர்த்து, சிறிது நீர் ஊற்றி, வெல்லம், புளிச்சாறு மற்றும் சுவைக்கேற்ப உப்பு சேர்த்து நன்கு அரைத்துக் கொள்ள வேண்டும். இப்போது சுவையான வல்லாரைக் கீரை துவையல் தயார்.

இந்த பதிவின் மூலமாக வல்லாரைக் கீரை துவையல் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி வல்லாரைக் கீரை துவையல் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .