நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான சுவையான… தக்காளி தொக்கு ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
உங்கள் வீட்டில் காய்கறி எதுவும் இல்லையா? வெறும் வெங்காயம் மற்றும் தக்காளி மட்டும் தான் உள்ளதா? ஆனால் சப்பாத்திக்கு அற்புதமான சைடு டிஷ் செய்ய விரும்புகிறீர்களா? அப்படியானால் சப்பாத்திக்கு பொருத்தமாக இருக்கும் தக்காளி தொக்கு செய்து சுவையுங்கள். இந்த தக்காளி தொக்கு செய்வது மிகவும் சுலபம் மற்றும் அனைவரும் விரும்பி சாப்பிடும் வகையிலும் இருக்கும்.
முக்கியமாக இந்த தக்காளி தொக்கு சப்பாத்திக்கு மட்டுமின்றி, பூரிக்கும் அட்டகாசமாக இருக்கும். இப்போது அந்த தக்காளி தொக்கு எப்படி செய்வதென்று காண்போம். அதைப் படித்து செய்து சுவைத்து எப்படி இருந்தது என்று உங்கள் அனுபவத்தை எங்களுடன் பகிர்ந்து கொள்ளுங்கள்.
தேவையான பொருட்கள்:
* எண்ணெய் – 3-4 டேபிள் ஸ்பூன்
* கடுகு – 1/2 டீஸ்பூன்
* சோம்பு – 1 டீஸ்பூன்
* பட்டை – 1
* கிராம்பு – 2
* ஏலக்காய் – 2
* வெங்காயம் – 3
* இஞ்சி பூண்டு பேஸ்ட் – 1 டேபிள் ஸ்பூன்
* பச்சை மிளகாய் – 2
* கறிவேப்பிலை – சிறிது
* மஞ்சள் தூள் – 1 சிட்டிகை
* கரம் மசாலா – 1 டீஸ்பூன்
* மல்லித் தூள் – 1 டீஸ்பூன்
* மிளகாய் தூள் – 1 டீஸ்பூன்
* தக்காளி – 2
* உப்பு – சுவைக்கேற்ப
செய்முறை:
* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, சோம்பு, பட்டை, கிராம்பு, ஏலக்காய் சேர்த்து தாளிக்க வேண்டும்.
* பின் அதில் வெங்காயத்தைப் போட்டு ஒருமுறை வதக்கி, இஞ்சி பூண்டு பேஸ்ட், பச்சை மிளகாய், கறிவேப்பிலை சேர்த்து, சிறிது உப்பு தூவி, நன்கு வெங்காயம் வதங்கும் வரை வதக்க வேண்டும்.
* பின்பு அதில் மஞ்சள் தூள், கரம் மசாலா, மல்லித் தூள், மிளகாய் தூள் சேர்த்து ஒருமுறை நன்கு கிளறி விட வேண்டும்.
* பிறகு தக்காளியை சேர்த்து, சிறிது உப்பு தூவி, வேண்டுமானால் சிறிது நீர் தெளித்து ஒருமுறை கிளறி விட்டு, 15 நிமிடம் குறைவான தீயில் வேக வைக்க வேண்டும்.
* தக்காளி நன்கு வதங்கி, தொக்கில் இருந்து எண்ணெய் பிரிய ஆரம்பிக்கும் போது, அடுப்பை அணைத்துவிட்டு, மேலே சிறிது கறிவேப்பிலையைத் தூவி கிளறி இறக்கினால், சுவையான தக்காளி தொக்கு தயார்.
இந்த பதிவின் மூலமாக சுவையான… தக்காளி தொக்கு எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி சுவையான… தக்காளி தொக்கு ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
