நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான மீல் மேக்கர் குருமா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

சப்பாத்திக்கு குருமா அட்டகாசமான காம்பினேஷன். அதிலும் மீல் மேக்கர் குருமா மிகவும் சூப்பராக இருக்கும். மேலும் இந்த குருமா சப்பாத்திக்கு மட்டுமின்றி, சாதத்திற்கும் அற்புதமாக இருக்கும். சைவ உணவாளர்களுக்கு இந்த மீல் மேக்கர் குருமா அசைவ குருமாவின் நிகரான சுவையைக் கொடுக்கும். குறிப்பாக இந்த குருமா குழந்தைகள் விரும்பி சாப்பிடும் வகையில் ருசியாக இருக்கும்.

தேவையான பொருட்கள்:

* மீல் மேக்கர் – 1 கப்

* வெங்காயம் – 1 (நறுக்கியது)

* தக்காளி – 2 (நறுக்கியது)

* துருவிய தேங்காய் – 1/4 கப்

* இஞ்சி பூண்டு விழுது – 1 1/2 டீபூன்

* மிளகாய் தூள் – 1 1/2 டீபூன்

* மல்லித் தூள் – 2 டீபூன்

* மஞ்சள் தூள் – 1/4 டீபூன்

* கரம் மசாலா – 1/4 டீபூன்

* சோம்பு – 1/2 டீபூன்

* கிராம்பு – 4

* பட்டை – 1 இன்ச்

* கறிவேப்பிலை – சிறிது

* கொத்தமல்லி – சிறிது

தாளிப்பதற்கு…

* பட்டை – 1 இன்ச்

* சீரகம் – 1/2 டீபூன்

* சோம்பு – 1/2 டீபூன்

* உப்பு – சுவைக்கேற்ப

* எண்ணெய் – 1 டேபிள் பூன்

செய்முறை:

* முதலில் மீல் மேக்கரை கொதிக்கும் நீரில் போட்டு வேக வைத்து இறக்கி, குளிர்ந்த நீரில் இரண்டு முறை நன்கு அலசி, அதிகப்படியான நீரை கையால் பிழிந்து, மீல் மேக்கரை தனியாக வைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் ஒரு டீபூன் எண்ணெய் ஊற்றி சூடானதும், சோம்பு, கிராம்பு, பட்டை சேர்த்து தாளித்து, வெங்காயத்தைப் போட்டு நன்கு வதக்க வேண்டும்.

* பின்பு இஞ்சி பூண்டு விழுதை சேர்த்து ஒரு நிமிடம் வதக்கி, பின் தக்காளியை சேர்த்து நன்கு மென்மையாகும் வரை வதக்க வேண்டும்.

* பிறகு மிளகாய் தூள், மல்லித் தூள், மஞ்சள் தூள் ஆகியவற்றை சேர்த்து நன்கு கிளறிவிட்டு, துருவிய தேங்காயை சேர்த்து, பச்சை வாசனை போக வதக்கி இறக்கி, குளிர வைக்கவும்.

* பின் அதை மிக்சர் ஜாரில் போட்டு, சிறிது நீரை ஊற்றி நன்கு மென்மையாக அரைத்து தனியாக வைத்துக் கொள்ள வேண்டும்.

* அடுத்து ஒரு வாணலியை அடுப்பில் வைத்து, அதில் மீதமுள்ள எண்ணெயை ஊற்றி சூடானதும், பட்டை, சீரகம், சோம்பு மற்றும் கறிவேப்பிலை சேர்த்து தாளிக்க வேண்டும்.

* பின் அரைத்து வைத்துள்ள மசாலாவை சேர்த்து, ஒரு நிமிடம் வதக்கி, வேக வைத்துள்ள மீல் மேக்கரை சேர்த்து கிளறி, 1 1/2 கப் நீரை ஊற்றி, சுவைக்கேற்ப உப்பு சேர்த்து, 7-8 நிமிடம் குறைவான தீயில் கொதிக்க வைத்து, கொத்தமல்லியைத் தூவி இறக்கினால், சுவையான மீல் மேக்கர் குருமா தயார்.

Image Courtesy: naliniscooking

இந்த பதிவின் மூலமாக மீல் மேக்கர் குருமா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி மீல் மேக்கர் குருமா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .