நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான ரவா பணியாரம் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

மாலை வேளையில் நல்ல சுவையான ஒரு ஸ்நாக்ஸ் சாப்பிட ஆசையாக உள்ளதா? என்ன செய்து சாப்பிடுவது என்று தெரியாமல் இருக்கிறீர்களா? உங்கள் வீட்டில் உள்ள குழந்தைகள் இனிப்பாக சாப்பிட கேட்கிறார்களா? அப்படியானால் உங்கள் வீட்டில் ரவா இருந்தால், அதைக் கொண்டு ஒரு சுவையான பணியாரம் செய்து கொடுங்கள். இந்த பணியாரம் செய்வது மிகவும் ஈஸி. மேலும் குழந்தைகள் முதல் பெரியவர்கள் வரை அனைவரும் விரும்பி சாப்பிடும் வகையில் இருக்கும்.

தேவையான பொருட்கள்:

* ரவா – 1/2 கப்

* தண்ணீர் – 1/2 கப்

* பொடித்த வெல்லம் – 1/2 கப்

* மைதா – 1/4 கப்

* கோதுமை மாவு – 1/4 கப்

* துருவிய தேங்காய் – 1/4 கப்

* ஏலக்காய் பொடி – 1 டீஸ்பூன்

* பேக்கிங் சோடா – 1/4 டீஸ்பூன்

* எண்ணெய் – பொரிப்பதற்கு தேவையான அளவு

செய்முறை:

* முதலில் ஒரு பௌலில் ரவையை எடுத்து, அதில் அரை கப் நீரை ஊற்றி 5 நிமிடம் ஊற வைக்க வேண்டும்.

* பின் வெல்லத்தை சேர்த்து நன்கு கரைத்துக் கொள்ள வேண்டும்.

* பின்பு அதில் மைதா மற்றும் கோதுமை மாவை சேர்த்து கிளறி விட வேண்டும்.

* அதன் பின் துருவிய தேங்காய், ஏலக்காய் பொடி, பேக்கிங் சோடா ஆகியவற்றை சேர்த்து நன்கு கிளறி விட வேண்டும்.

* பிறகு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், ஒரு கரண்டியில் பிசைந்து வைத்துள்ள மாவை எடுத்து எண்ணெயில் போட்டு பொன்னிறமாக பொரித்து எடுக்க வேண்டும்.

* இதேப்போன்று அனைத்து மாவையும் எண்ணெயில் போட்டு பொரித்து எடுத்தால், சுவையான ரவா பணியாரம் தயார்.

இந்த பதிவின் மூலமாக ரவா பணியாரம் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி ரவா பணியாரம் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .