நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான முள்ளங்கி சட்னி ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
இதுவரை முள்ளங்கியைக் கொண்டு சாம்பார் தான் செய்திருப்பீர்கள். ஆனால் முள்ளங்கியைக் கொண்டு சட்னி செய்யலாம் என்பது தெரியுமா? ஆம், முள்ளங்கியைக் கொண்டு சட்னி செய்தால், அது இட்லி, தோசைக்கு அட்டகாசமாக இருக்கும். நீங்கள் சற்று வித்தியாசமான சட்னி செய்ய நினைத்தால், அதற்கு முள்ளங்கி சட்னி பொருத்தமாக இருக்கும்.
MOST READ: பாம்பே சட்னி
தேவையான பொருட்கள்:
* முள்ளங்கி – 2 கப் (நறுக்கியது)
* பெரிய வெங்காயம் – 2 (நறுக்கியது)
* கடலை பருப்பு – 2 டேபிள் ஸ்பூன்
* மல்லி விதை – 2 டீஸ்பூன்
* வரமிளகாய் – 4
* பூண்டு பல் – 2
* எண்ணெய் – 2 டேபிள் ஸ்பூன்
* உப்பு – சுவைக்கேற்ப
தாளிப்பதற்கு…
* எண்ணெய் – 4 டீஸ்பூன்
* கடுகு – 1 டீஸ்பூன்
* உளுத்தம் பருப்பு – 1 டீஸ்பூன்
* கறிவேப்பிலை – சிறிது
செய்முறை:
* ஒரு வாணலியை அடுப்பில் வைத்து, அதில் எண்ணெய் ஊற்றி காய்ந்ததும், கடலை பருப்பு, மல்லி விதைகள், பூண்டு, வரமிளகாய் சேர்த்து 2 நிமிடம் வதக்கவும்.
* பின்பு வெங்காயத்தைப் போட்டு சிறிது உப்பு சேர்த்து சிறிது நேரம் வதக்கவும். பின் முள்ளங்கியை சேர்த்து 2 நிமிடம் வதக்கி, மூடி வைத்து 5-7 நிமிடம் குறைவான தீயில் வேக வைக்கவும்.
* பிறகு முள்ளங்கி வெந்துவிட்டதா என்று ஒரு ஸ்பூன் கொண்டு வெட்டிப் பார்க்கவும். முள்ளங்கி எளிதில் வெட்டப்பட்டால், அடுப்பை அணைத்துவிட்டு, வாணலியை இறக்கி குளிர வைக்க வேண்டும்.
* பின் மிக்ஸர் ஜாரில் வதக்கிய பொருட்களைப் போட்டு, சிறிது நீர் சேர்த்து நன்கு அரைத்துக் கொள்ள வேண்டும். அரைத்த சட்னியை ஒரு கிண்ணத்தில் எடுத்துக் கொள்ளுங்கள்.
* இறுதியில் ஒரு வாணலியை அடுப்பில் வைத்து, அதில் எண்ணெய் ஊற்றி, தாளிப்பதற்கு கொடுத்துள்ள பொருட்களை சேர்த்து தாளித்து, சட்னியில் சேர்த்து கிளறினால், சுவையான முள்ளங்கி சட்னி தயார்!
குறிப்பு:
* சட்னிக்கு பொருட்களை வதக்கும் போது, முள்ளங்கியை நன்கு வேக வைக்க வேண்டும். இல்லாவிட்டால் சட்னியில் முள்ளங்கியின் பச்சை வாசனை வீசி, சட்னியின் சுவை பாழாகிவிடும்.
*
* முள்ளங்கி சட்னிக்கு வெள்ளை முள்ளங்கியை மட்டுமின்றி, சிவப்பு முள்ளங்கியையும் பயன்படுத்தலாம்.
IMAGE COURTESY
இந்த பதிவின் மூலமாக முள்ளங்கி சட்னி எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி முள்ளங்கி சட்னி ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
