நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான வெண்டைக்காய் பக்கோடா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
மாலை வேளையில் காபி, டீ குடிக்கும் போது, காரசாரமாகவும் மொறுமொறுப்பாகவும் ஏதேனும் ஸ்நாக்ஸ் சாப்பிட வேண்டுமென்று தோன்றுகிறதா? அதுவும் சற்று வித்தியாசமான ஸ்நாக்ஸ் சுவைக்க ஆசையாக உள்ளதா? அப்படியானால் உங்கள் வீட்டில் வெண்டைக்காய் உள்ளதா? இருந்தால், அதைக் கொண்டு ஒரு அட்டகாசமான சுவையுடைய பக்கோடா செய்யலாம். இந்த வெண்டைக்காய் பக்கோடா பெரியவர்கள் முதல் குழந்தைகள் வரை அனைவரும் விரும்பி சாப்பிடும் வகையில் ருசியாக இருக்கும்.
தேவையான பொருட்கள்:
* வெண்டைக்காய் – 20
* கடலை மாவு – 4 டேபிள் ஸ்பூன்
* அரிசி மாவு – 2 டேபிள் ஸ்பூன்
* மிளகாய் தூள் – 1/2 டீஸ்பூன்
* மஞ்சள் தூள் – 1 சிட்டிகை
* கறிவேப்பிலை – சிறிது
* உப்பு – சுவைக்கேற்ப
* எண்ணெய் – பொரிப்பதற்கு தேவையான அளவு
செய்முறை:
* முதலில் வெண்டைக்காயின் மேல் பகுதியையும், கீழ் பகுதியையும் நீக்கிவிட்டு, நீளத் துண்டுகளாக வெட்டிக் கொள்ள வேண்டும்.
* பின் அதில் எண்ணெயைத் தவிர மற்ற அனைத்துப் பொருட்களையும் போட்டு, சிறிது நீரைத் தெளித்து பிரட்டி தனியாக வைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.
* எண்ணெய் சூடானதும் பிரட்டி வைத்துள்ள வெண்டைக்காயை எண்ணெயில் போட்டு பொன்னிறமாகவும், மொறுமொறுப்பாகவும் பொரித்து எடுத்தால், சுவையான வெண்டைக்காய் பக்கோடா தயார்.
குறிப்பு:
* வெண்டைக்காயை நீளமாக வெட்டிய பின், அதை ஃப்ரிட்ஜில் 30 நிமிடம் வைத்து, பின் பயன்படுத்தினால், அதில் உள்ள பிசுபிசுப்புத்தன்மை குறைவாக இருக்கும்.
* வேண்டுமானால், இத்துடன் மெல்லியதாக நறுக்கிய வெங்காயம் மற்றும் பூண்டு சேர்த்துக் கொள்ளலாம்.
* விருப்பமுள்ளவர்கள், மிளகாய் தூளுக்கு பதிலாக பச்சை மிளகாயை பொடியாக நறுக்கி சேர்த்துக் கொள்ளலாம்.
Image Courtesy: naliniscooking
இந்த பதிவின் மூலமாக வெண்டைக்காய் பக்கோடா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி வெண்டைக்காய் பக்கோடா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
