நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான சுவையான… மட்டன் கைமா கிரேவி ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

விடுமுறை வந்தாலே பலரும் அதை அசைவ உணவுகளை வீட்டில் வாங்கி பிடித்தவாறு சமைத்து சாப்பிட்டு கொண்டாடுவோம். இந்த வாரம் நீங்கள் சற்று ருசியான ஒரு ரெசிபியை வீட்டில் செய்ய நினைத்தால், மட்டன் கைமா கிரேவி செய்யுங்கள். இது இட்லி, தோசை, சப்பாத்தி மற்றும் சாதத்திற்கு அட்டகாசமாக இருக்கும். அதோடு இது பேச்சுலர்கள் செய்யும் அளவில் எளிமையான செய்முறையைக் கொண்டதும் கூட.

தேவையான பொருட்கள்:

* மட்டன் கைமா – 300 கிராம்

* தக்காளி – 1 (நறுக்கியது)

* பெரிய வெங்காயம் – 1 (நறுக்கியது)

* பூண்டு – 3 பல் (நறுக்கியது)

* அரிசி கழுவிய தண்ணீர் – 1/2 கப்

* தண்ணீர் – 1/2 கப்

* கொத்தமல்லி – சிறிது

* மிளகாய் தூள் – 1 டீஸ்பூன்

* மல்லித் தூள் – 1 1/2 டீஸ்பூன்

* மஞ்சள் தூள் – 1/4 டீஸ்பூன்

தாளிப்பதற்கு…

* எண்ணெய் – 2 டீஸ்பூன்

* பட்டை – 1/4 இன்ச்

* கிராம்பு – 2

* கறிவேப்பிலை – சிறிது

* பிரியாணி இலை – 1

அரைப்பதற்கு…

* துருவிய தேங்காய் – 1/4 கப்

* சோம்பு – 1/2 டீஸ்பூன்

செய்முறை:

* முதலில் மட்டன் கைமாவை நீரில் 2 முறை நன்கு அலசிக் கொள்ள வேண்டும். பின் அதில் ஒரு சிட்டிகை மஞ்சள் தூள் சேர்த்து பிரட்டி, மீண்டும் 2 முறை நீரில் அலசி, நீரை முற்றிலும் வடிகட்டி தனியாக வைத்துக் கொள்ள வேண்டும்.

* பின்பு குக்கரை அடுப்பில் வைத்து, அதில் எண்ணெய் ஊற்றி சூடானதும், பட்டை, கிராம்பு, கறிவேப்பிலை சேர்த்து தாளிக்கவும்.

* பின் அதில் வெங்காயம் மற்றும் பூண்டு சேர்த்து நன்கு வதக்கவும். அதன் பின் தக்காளியை சேர்த்து, மென்மையாகும் வரை வதக்கவும்.

* பிறகு மட்டன் கைமாவை சேர்த்து கிளறி 5 நிமிடங்கள் நன்கு வேக வைக்கவும்.

* அதன் பின் மிளகாய் தூள், மல்லித் தூள் சேர்த்து 2 நிமிடம் வதக்கி, பின் அதில் அரிசி கழுவிய நீர் மற்றும் சாதாரண நீரை ஊற்றி, உப்பு சேர்த்து கிளறி, குக்கரை மூடி 7-8 விசில் விட்டு இறக்கவும்.

* அதற்குள் ஜாரில் தேங்காய் மற்றும் சோம்பு சேர்த்து நன்கு அரைத்துக் கொள்ளவும்.

* விசிலானது போனதும், குக்கரைத் திறந்து, அதில் அரைத்த தேங்காய் சேர்த்து, கிரேவிக்குத் தேவையான அளவு நீரை ஊற்றி, மீண்டும் அடுப்பில் வைத்து 0 நிமிடம் கொதிக்க வைத்து இறக்கி, கொத்தமல்லியை மேலே தூவினால், மட்டன் கைமா கிரேவி தயார்.

IMAGE COURTESY

இந்த பதிவின் மூலமாக சுவையான… மட்டன் கைமா கிரேவி எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி சுவையான… மட்டன் கைமா கிரேவி ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .