நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான மட்டன் சுக்கா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

இந்த வார இறுதியில் நீங்கள் மட்டன் வாங்க திட்டமிட்டுள்ளீர்களா? அந்த மட்டனைக் கொண்டு ஒரு சுவையான ரெசிபியை செய்ய ஆசைப்படுகிறீர்களா? அப்படியானால் மட்டன் சுக்கா செய்யுங்கள். இந்த மட்டன் சுக்கா வெள்ளை சாதம், ரசம் சாதம், சப்பாத்தி போன்றவற்றுடன் சேர்த்து சாப்பிட அற்புதமாக இருக்கும். பலருக்கு மட்டன் சுக்காவை வீட்டில் செய்து சாப்பிட ஆசை இருக்கும். ஆனால் அதை சரியாக செய்யத் தெரியாது.

தேவையான பொருட்கள்:

* மட்டன் – 500 கிலோ

* சீரகம் – 1 டீஸ்பூன்

* மிளகு – 2 டீஸ்பூன்

* மல்லி – 1 டீஸ்பூன்

* வரமிளகாய் – 4

* சின்ன வெங்காயம் – 150 கிராம் (பொடியாக நறுக்கியது)

* இஞ்சி பூண்டு பேஸ்ட் – 1 டேபிள் ஸ்பூன்

* பச்சை மிளகாய் – 4

* கறிவேப்பிலை – சிறிது

* மஞ்சள் தூள் – 1/2 டீஸ்பூன்

* எண்ணெய் – 2 டேபிள் ஸ்பூன்

* உப்பு – சுவைக்கேற்ப

செய்முறை:

* முதலில் மட்டனுக்கு வேண்டிய மசாலாவை தயார் செய்து கொள்ள வேண்டும். அதற்கு மிக்சர் ஜாரில் மிளகு, வரமிளகாய், மல்லி ஆகியவற்றை ஒன்றாக எடுத்து நன்கு பொடி செய்து தனியாக வைத்துக் கொள்ள வேண்டும்.

* பின்பு குக்கரில் மட்டனை கழுவிப் போட்டு, அத்துடன் மஞ்சள் தூள், அரைத்த மசாலா பொடி, சுவைக்கேற்ப உப்பு மற்றும் 1/2 கப் நீரை ஊற்றி அடுப்பில் வைத்து, நன்கு கிளறி விட்டு குக்கரை மூடி 3 விசில் விட்டு இறக்கிக் கொள்ள வேண்டும். விசில் போனதும் குக்கரை திறக்க வேண்டும்.

* பிறகு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பச்சை மிளகாய், கறிவேப்பிலை, சின்ன வெங்காயம் சேர்த்து நன்கு பொன்னிறமாக வதக்க வேண்டும்.

* பின் அதில் இஞ்சி பூண்டு பேஸ்ட் சேர்த்து 2 நிமிடம் பச்சை வாசனை போக வதக்க வேண்டும்.

* பின்பு அதில் குக்கரில் உள்ள மட்டனை அப்படியே சேர்த்து, நீர் வற்றும் வரை நன்கு வேக வைத்து இறக்கினால், மட்டன் சுக்கா தயார்.

குறிப்பு:

* மட்டனை குக்கரில் வேக வைக்கும் போது அதிக நீரை ஊற்றிவிடாதீர்கள். ஏனெனில் ஏற்கனவே மட்டன் நீரை வெளியிடும்.

* மட்டன் ரெசிபிக்களுக்கு சின்ன வெங்காயத்தை பயன்படுத்தினால், அந்த ரெசிபியின் சுவை இன்னும் அற்புதமாக இருக்கும்.

*
* மட்டன் வேக நிறைய நேரம் எடுக்கும். எனவே அதை குக்கரில் வேக வைத்து எடுத்து பயன்படுத்துவது சற்று சுலபமாக இருக்கும்.

Image Courtesy: steffisrecipes

இந்த பதிவின் மூலமாக மட்டன் சுக்கா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி மட்டன் சுக்கா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .