நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான மஸ்ரூம் பாஸ்தா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

உங்கள் குழந்தைகள் பாஸ்தாவை விரும்பி சாப்பிடுவார்களா? அவர்களுக்கு மாலை வேளையில் பாஸ்தா செய்து கொடுக்க நினைக்கிறீர்களா? அப்படியானால் மஸ்ரூம் பாஸ்தா செய்து கொடுங்கள். இதில் காளான் மட்டுமின்றி, குடைமிளகாயும் இருப்பதால், குழந்தைகளுக்கு இது ஆரோக்கியமானதும் கூட. முக்கியமாக மஸ்ரூம் பாஸ்தா குழந்தைகள் மட்டுமின்றி, பெரியோர்களும் விரும்பி சாப்பிடும் வகையில் இருக்கும்.
ஏனெனில் கீழே மஸ்ரூம் பாஸ்தாவின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் அனுபவத்தைப் பகிர்ந்து கொள்ளுங்கள்.

தேவையான பொருட்கள்:

* பாஸ்தா – 3/4 கப்

* மஸ்ரூம்/காளான் – 1/4 கப்

* குடைமிளகாய் – 2 டேபிள் ஸ்பூன் (பொடியாக நறுக்கியது)

* பூண்டு – 1/2 டேபிள் ஸ்பூன் (பொடியாக நறுக்கியது)

* உலர்ந்த கற்பூரவள்ளி இலை – ஒரு சிட்டிகை

* மிளகுத் தூள் – 1/8 டீஸ்பூன்

* துருவிய சீஸ் – 1 டேபிள் ஸ்பூன்

* மைதா – 1 டேபிள் ஸ்பூன்

* பால் – 1/2 கப்

* மிளகுத் தூள் – 1/2 டீஸ்பூன்

* உப்பு – சுவைக்கேற்ப

* வெண்ணெய் – 1/2 டேபிள் ஸ்பூன்

* எண்ணெய் – 1/2 டீஸ்பூன்

செய்முறை:

* முதலில் கொதிக்கும் நீரில் பாஸ்தாவைப் போட்டு, அதில் அரை டீஸ்பூன் எண்ணெய் மற்றும் சிறிது உப்பு சேர்த்து, மென்மையாக வேக வைத்து இறக்கிக் கொள்ளவும். பின் நீரை முற்றிலும் வடிகட்டிவிட்டு, தனியாக வைத்துக் கொள்ள வேண்டும்.

* பின்னர் ஒரு வாணலியை அடுப்பில் வைத்து, அதில் வெண்ணெய் சேர்த்து உருகியதும், பூண்டு சேர்த்து பொன்னிறமாக வதக்கவும்.

* பின்பு அதில் குடைமிளகாய் மற்றும் காளானை சேர்த்து கிளறி நன்கு காளான் வேகும் வரை ஒரு 3 நிமிடம் வேக வைக்கவும்.

* பின் அதில் மைதாவை சேர்த்து ஒருமுறை கிளறிவிட்டு, பால் ஊற்றி நன்கு கிளறி விடவும். அப்போது கலவையானது சற்று கெட்டியாகி இருக்கும். இந்நிலையில் அதில் உலர்ந்த கற்பூரவள்ளி இலைகளை சேர்த்து கிளறி விடவும்.

* இறுதியில் வேக வைத்துள்ள பாஸ்தாவை சேர்த்து கிளறி, பின் அதில் மிளகுத் தூள் சேர்த்து ஒருமுறை பிரட்டி விட்டு, மேலே சீஸ் தூவி ஒருமுறை கிளறிவிட்டு இறக்கினால், சுவையான மஸ்ரூம் பாஸ்தா தயார்.

Image Courtesy: sharmispassions

இந்த பதிவின் மூலமாக மஸ்ரூம் பாஸ்தா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி மஸ்ரூம் பாஸ்தா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .