நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான முனியாண்டி விலாஸ் சிக்கன் குழம்பு ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

தமிழ்நாட்டில்

தேவையான பொருட்கள்:

* சிக்கன் – 1/2 கிலோ

* பெரிய வெங்காயம் – 1 (பொடியாக நறுக்கியது)

* தக்காளி – 1 (பொடியாக நறுக்கியது)

* பச்சை மிளகாய் – 1 (நறுக்கியது)

* இஞ்சி – 1 இன்ச் (நறுக்கியது)

* பூண்டு – 3 பல் (நறுக்கியது)

* மஞ்சள் தூள் – 1/2 டீஸ்பூன்

* தேங்காய் பால் – 1 டேபிள் ஸ்பூன்

* பிரியாணி இலை – 2

* வரமிளகாய் – 2

* கடுகு – 1/2 டீஸ்பூன்

* நல்லெண்ணெய் – 3 டேபிள் ஸ்பூன்

* உப்பு – சுவைக்கேற்ப

* கொத்தமல்லி – சிறிது

* கறிவேப்பிலை – சிறிது

வறுத்து அரைப்பதற்கு…

* வரமிளகாய் – 6

* மல்லி விதைகள் – 2 டேபிள் ஸ்பூன்

* பச்சரிசி – 1 டீஸ்பூன்

* மிளகு – 1 டீஸ்பூன்

* சீரகம் – 1 டீஸ்பூன்

* சோம்பு – 1/2 டீஸ்பூன்

* கசகசா – 1 டீஸ்பூன்

* பொட்டுக்கடலை – 1 டீஸ்பூன்

* பட்டை – 1 துண்டு

* கிராம்பு – 2

* ஏலக்காய் – 1

* துருவிய தேங்காய் – 1 டீஸ்பூன்

செய்முறை:

* முதலில் சிக்கனை நன்கு நீரில் கழுவிக் கொள்ள வேண்டும்.

* பின் ஒரு வாணலியை அடுப்பில் வைத்து, அதில் வறுத்து அரைப்பதற்கு கொடுத்துள்ள பொருட்களைப் போட்டு பொன்னிறமாக வறுத்து இறக்கி குளிர வைத்து, மிக்சர் ஜாரில் போட்டு பொடி செய்து கொள்ள வேண்டும்.

* பின்பு ஒரு அகலமான வாணலியை அடுப்பில் வைத்து, அதில் நல்லெண்ணெயை ஊற்றி சூடானதும், பிரியாணி இலை, கடுகு, வரமிளகாய், கறிவேப்பிலை சேர்த்து தாளிக்க வேண்டும்.

* பிறகு அதில் நறுக்கிய வெங்காயம் மற்றும் பச்சை மிளகாய் சேர்த்து நன்கு வதக்கவும். பின் அதில் இஞ்சி மற்றும் பூண்டு சேர்த்து பச்சை வாசனை போக வதக்க வேண்டும்.

* அடுத்து அதில் தக்காளியை சேர்த்து நன்கு மென்மையாகும் வரை வதக்க வேண்டும்.

* பின்னர் கழுவி வைத்துள்ள சிக்கன் துண்டுகுளைப் போட்டு, ஒரு 3 நிமிடம் நன்கு கிளறி விட வேண்டும்.

* சிக்கன் துண்டுகளானது வெள்ளை நிறத்தில் மாறும் போது, அதில் மஞ்சள் தூள், சுவைக்கேற்ப உப்பு மற்றும் அரைத்து வைத்துள்ள பொடியை சேர்த்து நன்கு வதக்கி விட வேண்டும்.

* பிறகு தேங்காய் பால் மற்றும் ஒரு கப் நீரை ஊற்றி கிளறி, குறைவான தீயில் மூடி வைத்து பத்து நிமிடம் நன்கு கொதிக்க வைத்து இறக்கி, மேலே கொத்தமல்லியைத் தூவினால், சுவையான முனியாண்டி விலாஸ் சிக்கன் குழம்பு தயார்.

Image Courtesy: myediblecravings

இந்த பதிவின் மூலமாக முனியாண்டி விலாஸ் சிக்கன் குழம்பு எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி முனியாண்டி விலாஸ் சிக்கன் குழம்பு ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .