நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான புதினா தொக்கு ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

இன்று இரவு உங்கள் வீட்டில் இட்லி, தோசை செய்யப் போகிறீர்களா? உடலுக்கு குளிர்ச்சியைத் தரும், அதே வேளையில் சுவையான ஒரு சைடு டிஷ் செய்ய வேண்டுமா? வீட்டில் புதினா இருந்தால், அதைக் கொண்டு புதினா தொக்கு செய்யுங்கள். இந்த புதினா தொக்கு இட்லி, தோசைக்கு மட்டுமின்றி, சாதத்துடன் சேர்த்து சாப்பிடவும் அற்புதமாக இருக்கும். முக்கியமாக இந்த தொக்கு குழந்தைகளும் விரும்பி சாப்பிடும் வகையில் ருசியாக இருக்கும்.

தேவையான பொருட்கள்:

* புதினா – 2 கப்

* உப்பு – சுவைக்கேற்ப

* சர்க்கரை – 1 டீஸ்பூன்

வறுத்து அரைப்பதற்கு…

* துவரம் பருப்பு – 1 டேபிள் ஸ்பூன்

* உளுத்தம் பருப்பு – 1 டேபிள் ஸ்பூன்

* வரமிளகாய் – 2

* தேங்காய் – 1/2 கப்

* பூண்டு – 1 பல்

* புளி – 1 சிறிய துண்டு

செய்முறை:

* முதலில் ஒரு வாணலியை அடுப்பில் வைத்து, அதில் புளியைத் தவிர வறுத்து அரைப்பதற்கு கொடுத்துள்ள பொருட்கள் அனைத்தையும் சேர்த்து 3-4 நிமிடம் வறுக்க வேண்டும்.

* பின் அதில் புதினா இலைகளை சேர்த்து சுருங்கும் வரை வதக்கி, புளியை சேர்த்து ஒருமுறை கிளறி இறக்கி குளிர வைக்க வேண்டும்.

* பின்பு மிக்சர் ஜாரில் வதக்கிய பொருட்கள் அனைத்தையும் சேர்த்து, உப்பு மற்றும் சர்க்கரை சேர்க்க வேண்டும்.

* அதன் பின் சிறிது நீர் ஊற்றி நன்கு அரைத்தால், சுவையான புதினா தொக்கு தயார்.

இந்த பதிவின் மூலமாக புதினா தொக்கு எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி புதினா தொக்கு ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .