நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான மெத்தி பன்னீர் கிரேவி ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
இன்று சப்பாத்தி செய்ய நினைக்கிறீர்களா? அதற்கு என்ன சைடு டிஷ் செய்வதென்று யோசித்துக் கொண்டிருக்கிறீர்களா? அதுவும் வித்தியாசமான கிரேவி செய்ய நினைக்கிறீர்களா? உங்கள் வீட்டில் உள்ளோர் பன்னீரை விரும்பி சாப்பிடுவார்களா? அப்படியானால் அதை வெந்தயக்கீரையுடன் சேர்த்து கிரேவி செய்யுங்கள். இந்த மெத்தி பன்னீர் கிரேவி செய்வதற்கு சுலபமாக இருப்பதுடன், வீட்டில் உள்ளோர் அனைவரும் விரும்பி சாப்பிடும் வகையில் ருசியாகவும் இருக்கும்.
தேவையான பொருட்கள்:
* எண்ணெய் – 2 டேபிள் ஸ்பூன் + 2 டேபிள் ஸ்பூன்
* பன்னீர் – 200 கிராம் (துண்டுகளாக்கப்பட்டது)
* பெரிய வெங்காயம் – 1 (நறுக்கியது)
* தக்காளி – 2 (நறுக்கியது)
* முந்திரி – 3 டேபிள் ஸ்பூன்
* நற்பதமான மெத்தி/வெந்தயக்கீரை – 3 கப் (நறுக்கியது)
* மிளகாய் தூள் – 1 டீஸ்பூன்
* மஞ்சள் தூள் – 1 டீஸ்பூன்
* சீரகப் பொடி – 1 டீஸ்பூன்
* கரம் மசாலா – 1 டீஸ்பூன்
* உப்பு – சுவைக்கேற்ப
* சர்க்கரை – 1 டீஸ்பூன்
செய்முறை:
* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், பன்னீரை சேர்த்து பொன்னிறமாக வறுத்து, சுடுநீரில் போட்டு எடுத்து தனியாக வைத்துக் கொள்ள வேண்டும்.
* பின் அதே வாணலியை அடுப்பில் வைத்து, அதில் வெங்காயம், தக்காளி மற்றும் முந்திரி சேர்த்து 5-6 நிமிடம் நன்கு மென்மையாகும் வரை வதக்கி இறக்கி குளிர வைத்து, மிக்சர் ஜாரில் போட்டு அரைத்து தனியாக வைத்துக் கொள்ள வேண்டும்.
* பின்பு அதே வாணலியை அடுப்பில் வைத்து, அதில் சிறிது எண்ணெய் ஊற்றி சூடானதும், வெந்தயக் கீரை சேர்த்து 5 நிமிடம் வதக்கி, மசாலா பொடியை சேர்த்து கிளறி, அரைத்த வெங்காய கலவையை ஊற்றி, எண்ணெய் பிரியும் வரை வேக வைக்க வேண்டும்.
* பின் அதில் கிரேவிக்கு தேவையான அளவு தண்ணீரை ஊற்றி, சர்க்கரை, உப்பு சேர்த்து கிளறி விட வேண்டும்.
* இறுதியாக பன்னீர் துண்டுகளை சேர்த்து கிளறி, 5 நிமிடம் குறைவான தீயில் கொதிக்க வைத்து இறக்கினால், சுவையான மெத்தி பன்னீர் கிரேவி தயார்.
இந்த பதிவின் மூலமாக மெத்தி பன்னீர் கிரேவி எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி மெத்தி பன்னீர் கிரேவி ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
