நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான Matar Paneer Recipe : மட்டர் பன்னீர் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
உங்கள் வீட்டில் உள்ளோர் பன்னீரை விரும்பி சாப்பிடுவார்களா? பன்னீரை எப்படி செய்தாலும் பிடிக்குமா? இன்று உங்கள் வீட்டில் சப்பாத்தி செய்வதாக இருந்தால், பன்னீருடன் மட்டர்/பச்சை பட்டாணி சேர்த்து கிரேவி செய்யுங்கள். இந்த கிரேவி செய்வது மிகவும் சுலபம். மேலும் இது அனைவருமே விரும்பி சாப்பிடும் வகையில் ருசியாக இருக்கும்.
தேவையான பொருட்கள்:
* பன்னீர் – 200 கிராம்
* பட்டாணி/மட்டர் – 1 கப்
* பிரஷ் க்ரீம் – 2-3 டேபிள் ஸ்பூன்
* இஞ்சி பூண்டு பேஸ்ட் – 1 டீஸ்பூன்
* மிளகாய் தூள் – 1 டீஸ்பூன்
* மல்லித் தூள் – 1/2 டீஸ்பூன்
* கரம் மசாலா – 1 டேபிள் ஸ்பூன்
* கொத்தமல்லி – சிறிது
* உப்பு – சுவைக்கேற்ப
தாளிப்பதற்கு…
* எண்ணெய் – 1 டேபிள் ஸ்பூன்
* நெய் – 1 டீஸ்பூன்
* சீரகம் – 1 டீஸ்பூன்
அரைப்பதற்கு…
* வெங்காயம் – 2 (பொடியாக நறுக்கியது)
* தக்காளி – 4 (நறுக்கியது)
* கிராம்பு – 1
* முந்திரி – 10
* ஏலக்காய் – 1
* பட்டை – 1 இன்ச்
* மிளகு – 10
செய்முறை:
* முதலில் மிக்சர் ஜாரில் அரைப்பதற்கு கொடுத்துள்ள வெங்காயம், தக்காளி, முந்திரி, பட்டை, ஏலக்காய், கிராம்பு மற்றும் மிளகு ஆகியவற்றைப் போட்டு, நீர் சேர்க்காமல் நன்கு மென்மையாக அரைத்துக் கொள்ள வேண்டும்.
* பின்னர் குக்கரை அடுப்பில் வைத்து, அதில் எண்ணெய் மற்றும் நெய் ஊற்றி சூடானதும், சீரகத்தை சேர்த்து தாளித்து, இஞ்சி பூண்டு பேஸ்ட் சேர்த்து ஒரு நிமிடம் வதக்க வேண்டும்.
* பின்பு அதில் அரைத்த வெங்காய விழுதை சேர்த்து 1/2 கப் நீரை ஊற்றி பச்சை வாசனை போக 10-12 நிமிடம் கொதிக்க வைக்க வேண்டும்.
* பிறகு அதில் மிளகாய் தூள், மல்லித் தூள், மஞ்சள் தூள் மற்றும் உப்பு சேர்த்து நன்கு கிளறி, 2 நிமிடம் கொதிக்க வைக்க வேண்டும்.
* பின் அதில் பச்சை பட்டாணி மற்றும் 1/4 கப் நீரை ஊற்றி கிளறி, குக்கரை மூடி 2 விசில் விட்டு இறக்கி, விசில் போனதும் குக்கரைத் திறக்க வேண்டும்.
* பின்பு அந்த குக்கரை மீண்டும் அடுப்பில் வைத்து, பன்னீர் துண்டுகளை சேர்த்து 1 நிமிடம் கொதிக்க வைக்க வேண்டும்.
* இறுதியாக அதில் பிரஷ் க்ரீம், கரம் மசாலா, கொத்தமல்லி இலைகளை சேர்த்து கிளறி இறக்கினால், சுவையான மட்டர் பன்னீர் தயார்.
Image Courtesy: sharmispassions
இந்த பதிவின் மூலமாக Matar Paneer Recipe : மட்டர் பன்னீர் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி Matar Paneer Recipe : மட்டர் பன்னீர் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
