நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான கேரளா ரெஸ்டாரண்ட் ஸ்டைல் கடலை கறி ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

தேவையான பொருட்கள்:

சுண்டல் வேக வைப்பதற்கு…

* கருப்பு சுண்டல் – 1 1/2 கப் (நீரில் 8 மணிநேரம் ஊற வைத்தது)

* மஞ்சள் தூள் – 1/2 டீஸ்பூன்

* உப்பு – 1/2 டீஸ்பூன்

* தண்ணீர் – தேவையான அளவு

கிரேவிக்கு…

* தேங்காய் எண்ணெய் – 2 டீஸ்பூன்

* நெய் – 2 டீஸ்பூன்

* சோம்பு – 1/2 டீஸ்பூன்

* கிராம்பு – 3-4

* பச்சை ஏலக்காய் – 3

* பட்டை – 1 துண்டு

* இஞ்சி – 1 டீஸ்பூன் (துருவியது)

* பூண்டு – 1 டீஸ்பூன் (துருவியது)

* வெங்காயம் – 1 1/2 கப் (பொடியாக நறுக்கியது)

* மஞ்சள் தூள் – 1/2 டீஸ்பூன்

* மிளகாய் தூள் – 1 டீஸ்பூன்

* மல்லித் தூள் – 1 டீஸ்பூன்

* கரம் மசாலா – 1 டீஸ்பூன்

* தக்காளி – 1 (நறுக்கியது)

* துருவிய தேங்காய் – 1/4 கப்

* சுடுநீர் – 1/2 கப்

தாளிப்பதற்கு…

* தேங்காய் எண்ணெய் – 2 டீஸ்பூன்

* பச்சை மிளகாய் -2-3 (நறுக்கியது)

* கறிவேப்பிலை – சிறிது

செய்முறை:

* முதலில் குக்கரில் ஊற வைத்துள்ள கருப்பு சுண்டலை போட்டு, அத்துடன் மஞ்சள் தூள், உப்பு மற்றும் நீரை ஊற்றி, அடுப்பில் வைத்து குக்கரை மூடி 5-6 விசில் விட்டு இறக்க வேண்டும்.

* அதன்பின் ஒரு வாணலியை அடுப்பில் வைத்து, அதில் தேங்காய் எண்ணெய் மற்றும் நெய் ஊற்றி சூடானதும், சோம்பு, பட்டை, கிராம்பு, ஏலக்காய் சேர்த்து தாளித்து, இஞ்சி, பூண்டு சேர்த்து வதக்க வேண்டும்.

* பின்பு அதில் வெங்காயம் சேர்த்து, சிறிது உப்பு தூவி நன்கு வதக்கி, பின் மஞ்சள் தூள், மிளகாய் தூள், மல்லித் தூள் மற்றும் கரம் மசாலா சேர்த்து குறைவான தீயில் வைத்து, பச்சை வாசனை போக வதக்க வேண்டும்.

* பிறகு அதில் தக்காளியை சேர்த்து நன்கு மென்மையாகும் வரை வதக்கி, துருவிய தேங்காயை சேர்த்து ஒரு நிமிடம் வதக்கி இறக்கி குளிர வைத்து, மிக்சர் ஜாரில் போட்டு நன்கு அரைத்துக் கொள்ள வேண்டும்.

* அடுத்து ஒரு கடாயை அடுப்பில் வைத்து, அதில் தேங்காய் எண்ணெய் ஊற்றி சூடானதும், தாளிப்பதற்கு கொடுத்துள்ள பச்சை மிளகாய் மற்றும் கறிவேப்பிலை சேர்த்து சில நொடிகள் வதக்கி, அரைத்த மசாலாவை சேர்த்து நன்கு கிளறி கொதிக்க விட வேண்டும்.

* பின் அதில் வேக வைத்த சுண்டல் மற்றும் சுவைக்கேற்ப உப்பு சேர்த்து கிளற வேண்டும். கிரேவி கெட்டியாக இருந்தால், 1/4 கப் சுடுநீரை ஊற்றி, மூடி வைத்து 15 நிமிடம் குறைவான தீயில் கொதிக்க வைத்து இறக்க வேண்டும்.

* கிரேவியின் சுவையை இன்னும் அதிகரிப்பதற்கு, 1 டீஸ்பூன் தேங்காய் எண்ணெயில் கடுகு, கறிவேப்பிலை மற்றும் வர மிளகாய் சேர்த்து தாளித்து, கிரேவியில் ஊற்றி மூடி வைத்து, 10 நிமிடம் கழித்து பரிமாறினால், சுவை இன்னும் அற்புதமாக இருக்கும்.

Image Courtesy: yummyoyummy

இந்த பதிவின் மூலமாக கேரளா ரெஸ்டாரண்ட் ஸ்டைல் கடலை கறி எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி கேரளா ரெஸ்டாரண்ட் ஸ்டைல் கடலை கறி ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .