நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான கருப்பட்டி புட்டிங் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
நீங்கள் இதுவரை உங்கள் குழந்தைகளுக்கு வித்தியாசமான எந்த ஒரு ரெசிபியையும் செய்து கொடுத்ததில்லையா? ஆனால் அவர்களுக்கு ஒரு வித்தியாசமான ரெசிபியை செய்து கொடுக்க விரும்புகிறீர்களா? அப்படியானால் குழந்தைகள் விரும்பி சாப்பிடும் வகையில் இருக்கும் கருப்பட்டி புட்டிங் செய்து கொடுங்கள். இந்த கருப்பட்டி புட்டிங் செய்வது மிகவும் சுலபம்.
தேவையான பொருட்கள்:
* கருப்பட்டி – 2 கப்
* தண்ணீர் – 1 1/2 கப்
* தேங்காய் பால் – 2 கப்
* அகர் அகர்/கடல் பாசி – 10 கிராம்
* சுக்கு பொடி – 1 டீஸ்பூன்
செய்முறை:
* முதலில் ஒரு பௌலில் கடல் பாசியை எடுத்து, அதில் 1/2 கப் நீரை ஊற்றி 15 நிமிடம் ஊற வைக்க வேண்டும்.
* பின்னர் கருப்பட்டியை ஒரு பாத்திரத்தில் எடுத்து, அதில் ஒரு கப் நீரை ஊற்றி அடுப்பில் வைத்து, கருப்பட்டி முற்றிலும் உருகும் வரை குறைவான தீயில் கொதிக்க வைக்க வேண்டும்.
* பின்பு ஊற வைத்துள்ள கடல் பாசியை அடுப்பில் உள்ள கருப்பட்டியுடன் சேர்த்து கிளறி, குறைவான தீயில் கடல்பாசியை முற்றிலும் உருக வைத்து இறக்க வேண்டும்.
* பிறகு அதை வடிகட்டி குளிர வைக்க வேண்டும்.
* அதன் பின் அதில் தேங்காய் பால் மற்றும் சுக்கு பொடி சேர்த்து நன்கு கிளறி விட வேண்டும்.
* இப்போது ஒரு அகலமான மற்றும் சற்று தட்டையான பாத்திரத்தில் இதை ஊற்றி, ஃப்ரிட்ஜில் செட் ஆகும் வரை வைக்க வேண்டும்.
* இறுதியாக ஒரு கத்தியால் துண்டுகளாக வெட்டினால், கருப்பட்டி புட்டிங் தயார்.
குறிப்பு:
* கருப்பட்டி இல்லாவிட்டால், வெல்லத்தைக் கொண்டும் தயாரிக்கலாம்.
*
* வேண்டுமானால் தேங்காய் பாலுக்கு பதிலாக, வழக்கமான பாலை சேர்த்துக் கொள்ளலாம்.
* கடல் பாசியுடன் பால் சேர்க்கும் போது அதை கொதிக்க வைத்து சேர்க்கக்கூடாது. இல்லாவிட்டால் அது திரிந்துவிடும். எனவே குளிர்ந்த பாலை தான் சேர்க்க வேண்டும்.
இந்த பதிவின் மூலமாக கருப்பட்டி புட்டிங் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி கருப்பட்டி புட்டிங் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
