நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான கருப்பட்டி பொங்கல் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
பொங்கல் பண்டிகை வரப்போகிறது. பொங்கலில் பல வெரைட்டிகள் உள்ளன. அதில் ஒன்று தான் கருப்பட்டி பொங்கல். இந்த வகை பொங்கலில் இரும்புச்சத்து அதிகம் உள்ளது மற்றும் இது செரிமானத்திற்கும் நல்லது. இந்த பொங்கல் பண்டிகையன்று ஒரு நல்ல சுவையான பொங்கல் செய்ய நினைத்தால், இந்த கருப்பட்டி பொங்கலை செய்யுங்கள். நீங்கள் சிம்பிளாக குக்கர் பொங்கல் செய்ய நினைப்பவராயின், இந்த பொங்கலை செய்யலாம்.
தேவையான பொருட்கள்:
* பச்சரிசி – 1/3 கப்
* பாசிப்பருப்பு – 1/8 கப்
* தண்ணீர் – 2 கப்
* ஏலக்காய் பவுடர் – 1 சிட்டிகை
* முந்திரி – 10-15
* உலர் திராட்சை – 1 1/2 டேபிள் ஸ்பூன்
* நெய் – 3 டேபிள் ஸ்பூன்
பாகு தயாரிக்க…
* கருப்பட்டி – 1/2 கப்
* தண்ணீர் – 1/4 கப்
செய்முறை:
* முதலில் பாசிப்பருப்பை பொன்னிறமாக வறுத்து, பச்சரிசியுடன் சேர்த்துக் கொள்ள வேண்டும். பின் அதை நீர் ஊற்றி நன்கு கழுவிக் கொள்ள வேண்டும்.
* பின்பு குக்கரில் கழுவிய அரிசியை சேர்த்து, அதில் நீரை ஊற்றி அடுப்பில் வைத்து, குக்கரை மூடி குறைவான தீயில் 5 விசில் விட்டு இறக்கிக் கொள்ள வேண்டும். விசில் போனதும் குக்கரைத் திறந்து, கரண்டியால் மசித்து விட வேண்டும்.
* பிறகு ஒரு பாத்திரத்தில் கருப்பட்டியை போட்டு, அதில் நீரை ஊற்றி அடுப்பில் வைத்து, கருப்பட்டி முற்றிலும் கரைந்ததும், அதை இறக்கி வடிகட்டி, குக்கரில் உள்ள பருப்புடன் சேர்த்து கிளறி விட வேண்டும்.
* பின் அந்த குக்கரை மீண்டும் அடுப்பில் வைத்து, குறைவான தீயில் 5-7 நிமிடம் கொதிக்க வையுங்கள். அதே சமயம் மற்றொரு அடுப்பில் சிறு வாணலியை வைத்து, அதில் நெய்யை ஊற்றி, முந்திரி மற்றும் உலர் திராட்சையை சேர்த்து பொன்னிறமாக வறுத்து, குக்கரில் உள்ள பொங்கலுடன் சேர்க்க வேண்டும்.
* அதன் பின் ஏலக்காய் பொடியை சேர்த்து கிளறி இறக்கினால், சுவையான கருப்பட்டி பொங்கல் தயார்.
குறிப்பு:
* பொங்கலில் இனிப்பு சுவை தூக்கலாக இருக்க வேண்டுமானால், ஒரு சிட்டிகை உப்பு சேர்த்துக் கொள்ளுங்கள்.
* பொங்கலின் சுவை இன்னும் அட்டகாசமாக இருக்க, சற்று நெய்யை கூடுதலாக சேர்த்துக் கொள்ளுங்கள்.
*
*
Image Courtesy: sharmispassions
இந்த பதிவின் மூலமாக கருப்பட்டி பொங்கல் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி கருப்பட்டி பொங்கல் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
