நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான பூண்டு ரொட்டி ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
நீங்கள் தினமும் சப்பாத்தி சாப்பிடுபவரா? தினமும் ஒரே மாதிரியான சப்பாத்தி சாப்பிட்டு போரடிக்குதா? அப்படியானால் இன்று சற்று வித்தியாசமான சப்பாத்தி/ரொட்டியை செய்து சாப்பிடுங்கள். அது தான் பூண்டு சப்பாத்தி/பூண்டு ரொட்டி. இந்த சப்பாத்தி மிகவும் ஆரோக்கியமானது. வாய்வு தொல்லையால் அவதிப்படுபவர்களுக்கு இந்த சப்பாத்தி மிகவும் நல்லது.
தேவையான பொருட்கள்:
* கோதுமை மாவு – 2 கப்
* பூண்டு பல் – 1/4 கப்
* எண்ணெய் – 2 டீஸ்பூன்
* எள்ளு – 2 டீஸ்பூன்
* உப்பு – சுவைக்கேற்ப
* தண்ணீர் – தேவையான அளவு
* எண்ணெய்/நெய்/வெண்ணெய் – டோஸ்ட் செய்ய தேவையான அளவு
செய்முறை:
* முதலில் பூண்டு பற்களை மிகவும் பொடியாக நறுக்கிக் கொள்ள வேண்டும்.
* பின் ஒரு பாத்திரத்தில் கோதுமை மாவு, சுவைக்கேற்ப உப்பு, நறுக்கிய பூண்டு, எண்ணெய் சேர்த்து கையால் பிசைய வேண்டும்.
* பின்பு மெதுவாக நீரை ஊற்றி சப்பாத்தி மாவு பதத்திற்கு நன்கு மென்மையாக பிசைந்து கொண்டு, 10 நிமிடம் ஊற வைத்துக் கொள்ள வேண்டும்.
* பிறகு பிசைந்த மாவை எலுமிச்சை அளவு உருண்டைகளாக உருட்டிக் கொள்ள வேண்டும்.
* அடுத்து சப்பாத்தி கட்டையில் ஒரு உருண்டையை வைத்து லேசாக தேய்த்துக் கொள்ள வேண்டும். பின் அதன் மேல் எள்ளு விதைகள் மற்றும் பொடியாக நறுக்கிய பூண்டை தூவி, மீண்டும் தட்டையாக தேய்ய வேண்டும். இதேப் போல் அனைத்து மாவையும் தேய்த்தக் கொள்ள வேண்டும்.
* பின்னர் தோசை கல்லை அடுப்பில் வைத்து சூடானதும், தேய்த்த ரொட்டிகளை ஒவ்வொன்றாக போட்டு, எண்ணெய்/நெய் சேர்த்து முன்னும் பின்னும் வேக வைத்து எடுத்தால், பூண்டு ரொட்டி தயார்.
Image Courtesy: sharmispassions
இந்த பதிவின் மூலமாக பூண்டு ரொட்டி எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி பூண்டு ரொட்டி ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
