நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான முட்டை பட்டர் மசாலா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
இன்று இரவு சப்பாத்திக்கு சைடு டிஷ் என்ன செய்யலாம் என்று யோசித்துக் கொண்டிருக்கிறீர்களா? அப்படியானால் பன்னீர் பட்டர் மசாலாவைப் போன்ற சுவையுடைய முட்டை பட்டர் மசாலா செய்யுங்கள். இது நன்கு க்ரீமியாக அனைவரும் விரும்பி சாப்பிடும் வகையில் மிகவும் சுவையாக இருக்கும். முக்கியமாக முட்டை பட்டர் மசாலா குழந்தைகள் விரும்பி சாப்பிடுமாறு இருக்கும். வேக வைத்த முட்டையை சாப்பிட மறுக்கும் குழந்தைகளும், இந்த பட்டர் மசாலாவில் போட்டும் முட்டையை சுவைத்து சாப்பிடுவார்கள்.
தேவையான பொருட்கள்:
* முட்டை – 4
* தக்காளி – 3 (பொடியாக நறுக்கியது)
* வெங்காயம் – 2 (பொடியாக நறுக்கியது)
* பூண்டு – 6 பல்
* இஞ்சி – 1/4 இன்ச்
* வெண்ணெய் – 6 டேபிள் ஸ்பூன்
* பிரியாணி இலை – 1
* மிளகாய் தூள் – 1 டீஸ்பூன்
* கரம் மசாலா – 1 டேபிள் ஸ்பூன்
* உலர்ந்த வெந்தய கீரை – 1 டீஸ்பூன்
* முந்திரி – 20
* இஞ்சி பூண்டு விழுது – 1 டேபிள் ஸ்பூன்
* உப்பு – சுவைக்கேற்ப
செய்முறை:
* முதலில் முந்திரியை சுடுநீரில் போட்டு 30 நிமிடம் ஊற வைத்துக் கொள்ள வேண்டும்.
* பின் முட்டையை வேக வைத்து தனியாக வைத்துக் கொள்ள வேண்டும்.
* பின்னர் ஒரு வாணலியை அடுப்பில் வைத்து, அதில் 2 டேபிள் ஸ்பூன் வெண்ணெய் சேர்த்து உருகியதும், வெங்காயத்தைப் போட்டு வதக்கி, பின் தக்காளியை சேர்த்து நன்கு மென்மையாகும் வரை வதக்க வேண்டும்.
* பின்பு இஞ்சி மற்றும் பூண்டு சேர்த்து பச்சை வாசனை போக வதக்க வேண்டும். அடுத்து ஊற வைத்துள்ள முந்திரியைப் போட்டு நன்கு வதக்கி இறக்கி குளிர வைக்க வேண்டும்.
* அடுத்து, அதை மிக்சர் ஜாரில் போட்டு சிறிது நீர் ஊற்றி நன்கு அரைத்துக் கொள்ள வேண்டும்.
* பிறகு ஒரு கடாயை அடுப்பில் வைத்து, அதில் ஒரு டேபிள் ஸ்பூன் வெண்ணெய் சேர்த்து உருகியதும், பிரியாணி இலை மற்றும் இஞ்சி பூண்டு விழுது சேர்த்து ஒரு நிமிடம் வதக்க வேண்டும்.
* பின் அரைத்து வைத்துள்ளதை சேர்த்து கிளறி, அதில் 2 டேபிள் ஸ்பூன் வெண்ணெய் சேர்த்து குறைவான தீயில் பத்து நிமிடம் கொதிக்க வைக்க வேண்டும்.
* அடுத்து அதில் மிளகாய் தூள், கரம் மசாலா, காய்ந்த வெந்தயக்கீரை மற்றும் உப்பு சேர்த்து கிளறி விட்டு, வேக வைத்துள்ள முட்டைகளை இரண்டாக வெட்டிப் போட்டு, 5 நிமிடம் மிதமான தீயில் கொதிக்க வைத்து இறக்கினால், முட்டை பட்டர் மசாலா தயார்.
Image Courtesy: archanaskitchen
இந்த பதிவின் மூலமாக முட்டை பட்டர் மசாலா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி முட்டை பட்டர் மசாலா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
வேளாண்மை தொழில்நுட்ப மேலாண்மை முகமை Agricultural Technology Management Agency ATMA : அட்மா திட்டம் தமிழ்நாட்டில் 2005-06 ஆம்…
Pattukkottai Nadiamman Temple Therottam LIVE ஒருங்கிணைந்த தஞ்சை மாவட்டத்தில் புகழ்பெற்று விளங்கும் பட்டுக்கோட்டை நாடியம்மன் கோயில் பங்குனி பெருந்திருவிழா…
இரா. வெங்கட்ராமன் (Ramaswamy Venkataraman), (டிசம்பர் 4, 1910 - ஜனவரி 27, 2009) இந்தியாவின் எட்டாவது குடியரசுத் தலைவராகப்…
அமரர் ஊர்தியை பொதுமக்களுக்கு அர்ப்பணித்த சமூக ஆர்வலர் Social Activist Balamurugan: உயிரோடு இருக்கும் போது மதிக்காத உறவுகள்.. இறந்த…
Pattukkottai Alagiri: திராவிட இயக்கத் தலைவர்களில், அஞ்சா நெஞ்சன், தளபதி என்ற இரு அடைமொழிகளாலும் அறியப்பட்டவர் பட்டுக்கோட்டை அழகிரிசாமி தீவிரமாகப்…
பட்டுக்கோட்டை அருகே கடலோரத்தில் உள்ள மல்லிப்பட்டினத்தில் உள்ள சுற்றுலா தலம் மனோரா (Manora Fort ). சென்னையில் இருந்து கன்னியாகுமரி…