நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான Cashew Vegetable Kurma Recipe : முந்திரி வெஜிடேபிள் குருமா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

சப்பாத்திக்கு குருமா தான் சரியான சைடு டிஷ். அதுவும் சப்பாத்திக்கு பலரும் உருளைக்கிழங்கு குருமாவை தான் செய்வார்கள். ஆனால் ஒருசில காய்கறிகள் மற்றும் பன்னீரைக் கொண்டு ஒரு அற்புதமான சுவையுடைய முந்திரி வெஜிடேபிள் குருமா செய்தால், 2 சப்பாத்தி சாப்பிடுபவர்கள் 4 சப்பாத்தியை சாப்பிடுவார்கள். ஏனெனில் அந்த அளவில் இந்த குருமா ருசியாக இருக்கும். முக்கியமாக நிறைய காய்கறிகள் சேர்த்து செய்வதால், இது ஒரு ஆரோக்கியமான ரெசிபியும் கூட.

தேவையான பொருட்கள்:

* வெஜிடேபிள் – 3 கப் (பீட்ரூட், ப்ராக்கோலி, காலிஃப்ளவர், உருளைக்கிழங்கு, கேரட்)

* பன்னீர் – 1 கப் (துண்டுகளாக்கப்பட்டது)

* எண்ணெய் – 2 டேபிள் ஸ்பூன்

* சீரகம் – 1 டீஸ்பூன்

* மிளகாய் தூள் – 1 டீஸ்பூன்

* மஞ்சள் தூள் – 1 டீஸ்பூன்

* கரம் மசாலா – 1 டீஸ்பூன்

* கொத்தமல்லி – சிறிது

* உப்பு – சுவைக்கேற்ப

மசாலாவிற்கு…

* முந்திரி – 10

* பெரிய வெங்காயம் – 1 (நறுக்கியது)

* தக்காளி – 2 (நறுக்கியது)

செய்முறை:

* முதலில் அனைத்து காய்கறிகளையும் நறுக்கி குக்கரில் போட்டு, சிறிது நீரைத் தெளித்து அடுப்பில் வைத்து குக்கரை மூடி 3 விசில் விட்டு இறக்கிக் கொள்ள வேண்டும்.

* பின்னர் ஒரு பாத்திரத்தில் வெங்காயம், தக்காளி, முந்திரி மற்றும் சிறிது நீரை ஊற்றி அடுப்பில் வைத்து, பாத்திரத்தை மூடி 10 நிமிடம் வேக வைத்து இறக்கி குளிர வைக்க வேண்டும்.

* பின்பு மிக்சர் ஜாரில் வெங்காயம், தக்காளி, முந்திரியை சேர்த்து நன்கு மென்மையாக அரைத்துக் கொள்ள வேண்டும்.

* பிறகு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும் சீரகத்தை சேர்த்து தாளிக்க வேண்டும்.

* பின் அதில் அரைத்த மசாலாவை சேர்த்து சிறிது நீரை ஊற்றி, கெட்டியாகி எண்ணெய் பிரியும் வரை கொதிக்க வைக்க வேண்டும்.

* பின்னர் அதில் உப்பு, மஞ்சள் தூள் மற்றும் மிளகாய் தூள் சேர்த்து நன்கு கிளறி விட வேண்டும்.

* பின்பு வேக வைத்துள்ள காய்கறிகளை நீருடன் சேர்த்து கிளறி, 8-10 நிமிடம் குறைவான தீயில் கொதிக்க வைக்க வேண்டும். அதன் பின் பன்னீர் துண்டுகளை சேர்த்து 2-3 நிமிடம் கொதிக்க வைக்க வேண்டும்.

* இறுதியாக அதன் மேல் கரம் மசாலா மற்றும் கொத்தமல்லியைத் தூவி கிளறி இறக்கினால், முந்திரி வெஜிடேபிள் குருமா தயார்.

இந்த பதிவின் மூலமாக Cashew Vegetable Kurma Recipe : முந்திரி வெஜிடேபிள் குருமா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி Cashew Vegetable Kurma Recipe : முந்திரி வெஜிடேபிள் குருமா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .