நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான Broccoli Fried Rice : ப்ராக்கோலி ஃப்ரைடு ரைஸ் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

இன்று இரவு உங்கள் வீட்டில் என்ன ஸ்பெஷலாக செய்வதென்று யோசித்துக் கொண்டிருக்கிறீர்களா? உங்கள் வீட்டில் உள்ளோர் ஃப்ரைடு ரைஸை விரும்பி சாப்பிடுவார்களா? உங்கள் வீட்டில் முட்டை மற்றும் ப்ராக்கோலி உள்ளதா? அப்படியானால் அதைக் கொண்டு ஒரு அட்டகாசமான ப்ராக்கோலி ஃப்ரைடு ரைஸ் செய்யுங்கள். இந்த ஃப்ரைடு ரைஸ் பெரியோர்கள் மட்டுமின்றி, குழந்தைகளும் விரும்பி சாப்பிடும் வகையில் ருசியாக இருக்கும்.

தேவையான பொருட்கள்:

* பாசுமதி அரிசி – 1 கப் (வேக வைத்தது)

* ப்ராக்கோலி – 1 கப் (துண்டுகளாக்கப்பட்டது)

* முட்டை – 2 (ஒரு பௌலில் உடைத்து ஊற்றி அடித்துக் கொள்ளவும்)

* பூண்டு – 5 பல் (பொடியாக நறுக்கியது)

* இஞ்சி – 1 இன்ச் துண்டு (துருவியது)

* சோயா சாஸ் – 1 டேபிள் ஸ்பூன்

* வினிகர் – 1 டேபிள் ஸ்பூன்

* மிளகுத் தூள் – 1 டீஸ்பூன்

* சர்க்கரை – 1 டீஸ்பூன்

* உப்பு – சுவைக்கேற்ப

* கொத்தமல்லி – சிறிது

செய்முறை:

* முதலில் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், உடைத்து அடித்து வைத்துள்ள முட்டைகளை ஊற்றி கிளறி, முட்டை புர்ஜி போல் செய்து இறக்கிக் கொள்ள வேண்டும்.

* பின் மற்றொரு வாணலியை அடுப்பில் வைத்து, அதில் எண்ணெய் ஊற்றி சூடானதும், பூண்டு, இஞ்சி சேர்த்து வதக்கி, பின் வெங்காயத்தை சேர்த்து ஒரு நிமிடம் வதக்க வேண்டும்.

* பின்பு அதில் உப்பு மற்றும் சர்க்கரை சேர்த்து, ப்ராக்கோலியை சேர்த்து கிளறி, 5 நிமிடம் வேக வைக்க வேண்டும்.

* பிறகு அதில் வேக வைத்துள்ள பாசுமதி சாதத்தை சேர்த்து கிளறி, முட்டை புர்ஜியை சேர்த்து கிளறி விட வேண்டும்.

* அதன் பின் வினிகர், சோயா சாஸ் சேர்த்து கிளறி, மிளகுத் தூள் சேர்த்து நன்கு கிளறிவிட்டு, மேலே கொத்தமல்லியைத் தூவி இறக்கினால், ப்ராக்கோலி ஃப்ரைடு ரைஸ் தயார்.

இந்த பதிவின் மூலமாக Broccoli Fried Rice : ப்ராக்கோலி ஃப்ரைடு ரைஸ் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி Broccoli Fried Rice : ப்ராக்கோலி ஃப்ரைடு ரைஸ் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .