நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான கத்திரிக்காய் பஜ்ஜி ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

மழைப் பெய்யும் போது நன்கு சூடாகவும், காரமாகவும் சாப்பிட பலருக்கும் தோன்றும். அப்படி தோன்றும் போது பெரும்பாலானோர் சாப்பிட விரும்புவது பஜ்ஜியைத் தான். பொதுவாக உருளைக்கிழங்கு, வெங்காயத்தைக் கொண்டு தான் பலர் பஜ்ஜி செய்து சாப்பிடுவோம். ஆனால் சற்று வித்தியாசமாக ஒரு பஜ்ஜியை செய்ய நினைத்தால், வீட்டில் உள்ள பிற காய்கறிகளையும் கொண்டு பஜ்ஜி செய்யலாம். அதிலும் கத்திரிக்காய் கொண்டு பஜ்ஜி செய்து சாப்பிடலாம் என்பது தெரியுமா?

கீழே கத்திரிக்காய் பஜ்ஜி எப்படி செய்வதென்று கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் பகிர்ந்து கொள்ளுங்கள்.

MOST READ: மும்பை ரோட்டுக்கடை மசாலா பாவ்

தேவையான பொருட்கள்:

* கத்திரிக்காய் – 2

* எண்ணெய் – பொரிப்பதற்கு தேவையான அளவு

பஜ்ஜி மாவிற்கு…

* கடலை மாவு – 1 கப்

* அரிசி மாவு – 1/4 கப்

* பெருங்காயத் தூள் – 1/2 டீஸ்பூன்

* இஞ்சி பூண்டு பேஸ்ட் – 2 டேபிள் ஸ்பூன்

* மிளகாய் தூள் – 2 டீஸ்பூன்

* பேக்கிங் சோடா – 1 டீஸ்பூன்

* உப்பு – சுவைக்கேற்ப

செய்முறை:

* முதலில் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

* பின் ஒரு பாத்திரத்தில் கடலை மாவு, அரிசி மாவு, பெருங்காயத் தூள், மிளகாய் தூள், இஞ்சி பூண்டு பேஸ்ட், பேக்கிங் சோடா மற்றும் தேவையான அளவு உப்பு சேர்த்து, நீர் ஊற்றி பஜ்ஜி மாவு பதத்திற்கு கலந்து கொள்ள வேண்டும்.

* பின்பு கத்திரிக்காயை நீள வாக்கிலோ அல்லது வட்ட வடிவிலோ வெட்டிக் கொள்ளுங்கள்.

* அதன் பின் நறுக்கிய கத்திரிக்காயை பஜ்ஜி மாவில் பிரட்டி, எண்ணெயில் போட்டு பொன்னிறமாக பொரித்து எடுத்தால், சுவையான கத்திரிக்காய் பஜ்ஜி தயார்.

IMAGE COURTESY

இந்த பதிவின் மூலமாக கத்திரிக்காய் பஜ்ஜி எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி கத்திரிக்காய் பஜ்ஜி ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .