நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான பிரட் பாயாசம் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

மாலை வேளையில் உங்கள் வீட்டில் உள்ளோர் இனிப்பாக ஏதாவது சாப்பிட கேட்கிறார்களா? உங்கள் வீட்டில் உள்ளோர் பாயாசத்தை விரும்பி சாப்பிடுவார்களா? அதுவும் சற்று வித்தியாசமான பாயாசத்தை செய்து கொடுக்க விரும்புகிறீர்களா? வீட்டில் பிரட் உள்ளதா? அப்படியானால் அவற்றைக் கொண்டு பிரட் பாயாசம் செய்யுங்கள். இந்த பிரட் பாயாசம் மிகவும் சுவையாக அனைவரும் விரும்பி சாப்பிடும் வகையில் இருக்கும்.

தேவையான பொருட்கள்:

* பிரட் துண்டுகள் – 3

* பால் – 1 3/4 கப் + 1/4 கப்

* சர்க்கரை – 1/4 கப்

* நெய் – 1 டேபிள் ஸ்பூன்

* மிக்ஸ்டு நட்ஸ் – 1 டேபிள் ஸ்பூன்

* ஏலக்காய் பொடி – 1 பெரிய சிட்டிகை

செய்முறை:

* முதலில் பிரட் துண்டுகளை எடுத்து, ஒவ்வொரு துண்டையும் நான்கு சதுர துண்டுகளாக வெட்டிக் கொள்ள வேண்டும்.

* பின் ஒரு பேனை அடுப்பில் வைத்து, அதில் நெய் ஊற்றி சூடானதும், பிரட் துண்டுகளைப் போட்டு முன்னும் பின்னும் பொன்னிறமாக டோஸ்ட் செய்து தனியாக எடுத்து வைத்து கொள்ள வேண்டும்.

* பின்பு அதை மிக்சர் ஜாரில் போட்டு பொடித்துக் கொள்ள வேண்டும்.

* பிறகு ஒரு பாத்திரத்தில் 1 3/4 கப் பாலை ஊற்றி 2 நிமிடம் நன்கு கொதிக்க விட்டு, பின் அதில் பிரட் பொடி மற்றும் சர்க்கரையை சேர்த்து நன்கு கிளறி, குறைவான தீயில் 2 நிமிடம் கொதிக்க விட வேண்டும். இந்நிலையில் பாயாசம் சற்று கெட்டியாக ஆரம்பிக்கும்.

* இந்த கட்டத்தில் மீதமுள்ள 1/4 கப் பாலை ஊற்றி, 2 நிமிடம் வேக வைத்து, நட்ஸ் மற்றும் ஏலக்காய் பொடி சேர்த்து கிளறி இறக்கினால், சுவையான பிரட் பாயாசம் தயார்.

குறிப்பு:

* இந்த பாயாசம் விரைவில் கெட்டியாகிவிடும் என்பதால் அருகில் இருந்து கவனித்து அடுப்பை அணைக்கவும்.

* பிரட் தூளை பாலில் சேர்த்ததும் அளவுக்கு அதிகமாக கொதிக்க விட வேண்டாம். இல்லாவிட்டால் சுவை பாழாகிவிடும்.

* ஒருவேளை பாயாசம் மிகவும் கெட்டியாக இருப்பது போல் தோன்றினால், பாலை சூடேற்றி ஊற்றி கிளறிவிடுங்கள்.

Image Courtesy: sharmispassions

இந்த பதிவின் மூலமாக பிரட் பாயாசம் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி பிரட் பாயாசம் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .