நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான பிரட் முட்டை மசாலா ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

மாலை வேளையில் காபி, டீ குடிக்கும் போது காரசாரமாக ஸ்நாக்ஸ் சாப்பிட ஆசையா? உங்கள் வீட்டில் முட்டை மற்றும் பிரட் உள்ளதா? அப்படியானால் அதைக் கொண்டு ஒரு அற்புதமான சுவையான பிரட் முட்டை மசாலா செய்யுங்கள். இந்த பிரட் முட்டை மசாலா குழந்தைகள் மட்டுமின்றி, பெரியோர்களும் விரும்பி சாப்பிடும் வகையில் சுவையாக இருக்கும்.

தேவையான பொருட்கள்:

* பிரட் – 4 துண்டுகள்

* முட்டை – 2

* எண்ணெய் – 1 டேபிள் ஸ்பூன்

* சீரகம் – 1 டீஸ்பூன்

* இஞ்சி பூண்டு விழுது – 1 டீஸ்பூன்

* வெங்காயம் – 1/2 கப் (பொடியாக நறுக்கியது)

* தக்காளி – 1/4 கப் (பொடியாக நறுக்கியது)

* குடைமிளகாய் – 1/4 கப் (பொடியாக நறுக்கியது)

* மஞ்சள் தூள் – 1/4 டீஸ்பூன்

* மிளகாய் தூள் – 1 டீஸ்பூன்

* மல்லித் தூள் – 1/2 டீஸ்பூன்

* கரம் மசாலா – 1/2 டீஸ்பூன்

* மிளகுத் தூள் – 1/4 டீஸ்பூன்

* கொத்தமல்லி – சிறிது

* உப்பு – சுவைக்கேற்ப

செய்முறை:

* முதலில் பிரட் துண்டுகளை எடுத்துக் கொண்டு, அதை சிறு சிறு துண்டுகளாக வெட்டி தனியாக வைத்துக் கொள்ள வேண்டும்.

* பின்னர் முட்டை ஒரு பௌலில் உடைத்து ஊற்றி, அடித்துக் கொள்ள வேண்டும்.

* பின்பு ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், சீரகத்தை சேர்த்து தாளித்து, வெங்காயம் மற்றும் இஞ்சி பூண்டு விழுதை சேர்த்து நன்கு வதக்க வேண்டும்.

* பின் அதில் தக்காளி மற்றும் குடைமிளகாயை சேர்த்து பச்சை வாசனை போக வதக்க வேண்டும்.

* பிறகு அதில் தேவையான அளவு உப்பு, மஞ்சள் தூள், மிளகாய் தூள், மல்லித் தூள் மற்றும் கரம் மசாலா சேர்த்து நன்கு கிளறி விட்டு, மசாலாவை கடாயின் ஒரு பக்கமாக ஒதுக்கி வைக்க வேண்டும்.

* பின் அதில் முட்டையை ஊற்றி, உப்பு மற்றும் மிளகுத் தூள் சேர்த்து, அனைத்தையும் நன்கு கிளறி விட வேண்டும்.

* அதன் பின் பிரட் துண்டுகளை சேர்த்து மசாலாவுடன் பிரட் துண்டுகள் நன்கு சேர்ந்த பின், மேலே கொத்தமல்லியைத் தூவி இறக்கினால், சுவையான பிரட் முட்டை மசாலா தயார்.

Image Courtesy: sharmispassions

இந்த பதிவின் மூலமாக பிரட் முட்டை மசாலா எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி பிரட் முட்டை மசாலா ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .