நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான வெண்டைக்காய் முந்திரி பொரியல் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

வெண்டைக்காய் மிகவும் ஆரோக்கியமான சத்துக்கள் அதிகம் நிறைந்த காய்கறி. குறிப்பாக இது சர்க்கரை நோயாளிகளுக்கு நன்மை அளிக்கக்கூடியது. வெண்டைக்காயை அடிக்கடி உணவில் சேர்த்து வந்தால், உடலுக்கு தேவையான சத்துக்கள் கிடைத்து உடல் ஆரோக்கியமாக இருக்கும். இந்த வெண்டைக்காயை கொண்டு சாம்பார், புளிக்குழம்பு, பொரியல் என்று பல சமையலை சமைக்கலாம். அதுவும் வெண்டைக்காய் மற்றும் முந்திரி கொண்டு பொரியல் செய்தால், இன்னும் அட்டகாசமாக இருக்கும்.

கீழே வெண்டைக்காய் முந்திரி பொரியலை எப்படி செய்வதென்று கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.

தேவையான பொருட்கள்:

* வெண்டைக்காய் – 1/2 கிலோ

* பூண்டு – 4

* முந்திரி – 8

* துருவிய தேங்காய் – 1 1/2 டேபிள் ஸ்பூன்

* கறிவேப்பிலை – சிறிது

* மிளகாய் தூள் – 2 டீஸ்பூன்

* கடுகு – 1/2 டீஸ்பூன்

* சீரகம் – 1/2 டீஸ்பூன்

* கடலைப் பருப்பு – 1/2 டீஸ்பூன்

* வரமிளகாய் – 1

* எண்ணெய் – 1 1/2 டேபிள் ஸ்பூன்

செய்முறை:

* முதலில் வெண்டைக்காயை நன்கு கழுவி, துணியால் துடைத்துவிட்டு, பின் சிறு துண்டுகளாக நறுக்கிக் கொள்ள வேண்டும்.

* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், கடுகு, சீரகம், கடலைப் பருப்பு, வரமிளகாய் மற்றும் பூண்டு சேர்த்து தாளிக்க வேண்டும்.

* பின்பு அதில் முந்திரியைப் போட்டு, பொன்னிறமாக மாறும் வரை வதக்கியதும், வெண்டைக்காயைச் சேர்த்து வதக்கவும்.

* பிறகு அதில் மஞ்சள் தூள், மிளகாய் தூள் உப்பு மற்றும் கறிவேப்பிலை சேர்த்து, வெண்டைக்காய் நன்கு சுருங்கி வேகும் வரை வதக்கவும்.

* வெண்டைக்காய் நன்கு வெந்ததும், இறுதியில் அதில் துருவிய தேங்காயை சேர்த்து பிரட்டி இறக்கினால், சுவையான வெண்டைக்காய் முந்திரி பொரியல் தயார்.

Image Courtesy: archanaskitchen

இந்த பதிவின் மூலமாக வெண்டைக்காய் முந்திரி பொரியல் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி வெண்டைக்காய் முந்திரி பொரியல் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .