நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான மொறுமொறுப்பான… பீட்ரூட் வடை ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…

மாலை வேளையில் வீட்டில் உள்ளோர் மொறுமொறுப்பாகவும், சூடாகவும் ஏதேனும் சாப்பிட கேட்கிறார்களா? அவர்களுக்கு வித்தியாசமான ஸ்நாக்ஸ் செய்து கொடுக்க விரும்புகிறீர்களா? உங்கள் வீட்டில் பீட்ரூட் உள்ளதா? அப்படியானால் அந்த பீட்ரூட்டைக் கொண்டு வடை செய்து கொடுங்கள். இந்த பீட்ரூட் வரை செய்வது மிகவும் சுலபம். மேலும் பெரியவர்கள் முதல் குழந்தைகள் வரை அனைவரும் விரும்பி சாப்பிடும் வகையில் இருக்கும்.

தேவையான பொருட்கள்:

* துருவிய பீட்ருட் – 1 கப்

* கடலை பருப்பு – 1/2 கப்

* அரிசி மாவு – 1/2 கப்

* வெங்காயம் – 1 (பொடியாக நறுக்கியது)

* சோம்பு – 1 டீஸ்பூன்

* வரமிளகாய் – 4-5

* துருவிய இஞ்சி – 1/2 டீஸ்பூன்

* துருவிய பூண்டு – 1/2 டீஸ்பூன்

* கறிவேப்பிலை – சிறிது

* மஞ்சள் தூள் – 1/4 டீஸ்பூன்

* உப்பு – சுவைக்கேற்ப

* எண்ணெய் – பொரிப்பதற்கு தேவையான அளவு

செய்முறை:

* முதலில் கடலைப்பருப்பை சுடுநீரில் 30 நிமிடம் ஊற வைத்து, பின் மிக்சர் ஜாரில் போட்டு கொரகொரவென்று அரைத்து தனியாக வைத்துக் கொள்ள வேண்டும்.

* பின்னர் அதே மிக்சர் ஜாரில் சோம்பு, வரமிளகாய், இஞ்சி, பூண்டு, கறிவேப்பிலை சேர்த்து ஒருமுறை லேசாக அரைத்து, அதை அரைத்த கடலைப் பருப்புடன் சேர்க்க வேண்டும்.

* பின்பு அதில் அரிசி மாவு, துருவிய பீட்ருட், வெங்காயம், மஞ்சள் தூள் மற்றும் தேவையான அளவு உப்பு சேர்த்து சற்று வடை பதத்திற்கு பிசைந்து கொள்ள வேண்டும்.

* அதே வேளையில் ஒரு வாணலியை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடேற்ற வேண்டும்.

* அதன் பின் வடைக்கு தயாரித்து வைத்துள்ள மாவை சிறிது சிறிதாக எடுத்து தட்டையாக தட்டி, எண்ணெயில் போடடு பொன்னிறமாக பொரித்து எடுத்தால், பீட்ரூட் வடை தயார்.

இந்த பதிவின் மூலமாக மொறுமொறுப்பான… பீட்ரூட் வடை எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி மொறுமொறுப்பான… பீட்ரூட் வடை ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .