நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான பாலக் சிக்கன் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
பாலக் சிக்கன் ஒரு ஆரோக்கியமான மற்றும் சுவையான சிக்கன் ரெசிபிக்களுள் ஒன்று. இன்று இரவு உங்கள் வீட்டில் சப்பாத்தி, பட்டர் நாண் செய்வதாக இருந்தால், பாலக் சிக்கன் செய்யுங்கள். இது செய்வது மிகவும் எளிது. மேலும் இது குழந்தைகளும் விரும்பி சாப்பிடும் வகையில் இருக்கும்.
கீழே பாலக் சிக்கன் ரெசிபியின் எளிய செய்முறை கொடுக்கப்பட்டுள்ளது. அதைப் படித்து செய்து சுவைத்து எப்படி இருந்தது என்று எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* சிக்கன் – 350 கிராம்
* பாலக் கீரை – 300 கிராம்
* ஓமம் – 1 டீஸ்பூன்
* நெய் – 2 டேபிள் ஸ்பூன்
* பூண்டு – 6 பல்
* ஏலக்காய் – 2
* பட்டை – 2 இன்ச்
* கிராம்பு – 3
* இஞ்சி – 2 இன்ச்
* பச்சை மிளகாய் – 2
* வெங்காயம் – 2 (நறுக்கியது)
* மிளகாய் – 1 டீஸ்பூன்
* கரம் மசாலா – 1 டீஸ்பூன்
* பிரஷ் க்ரீம் – 2 டேபிள் ஸ்பூன்
* உப்பு – சுவைக்கேற்ப
செய்முறை:
* முதலில் சிக்கனை நன்கு நீரில் கழுவிக் கொள்ள வேண்டும்.
* பின்னர் ஒரு குக்கரை அடுப்பில் வைத்து, அதில் பாலக் கீரை, பச்சை மிளகாய், 2 டேபிள் ஸ்பூன் நீர் சேர்த்து குக்கரை மூடி, ஒரு விசில் விட்டு இறக்கிக் கொள்ள வேண்டும்.
* பின் உடனே குக்கரின் விசிலை எடுத்துவிட்டு திறக்க வேண்டும். இதனால் பாலக் கீரை நிறம் மாறாமல் பச்சை பசேலென்று இருக்கும்.
* பாலக் கீரை நன்கு குளிர்ந்ததும், அதை மிக்சர் ஜாரில் போட்டு அரைத்துக் கொள்ள வேண்டும்.
* பின்பு ஒரு வாணலியை அடுப்பில் வைத்து, அதில் நெய் ஊற்றி சூடானதும், ஓமம், கிராம்பு, பட்டை, ஏலக்காய் சேர்த்து தாளிக்க வேண்டும்.
* பிறகு இஞ்சி, பூண்டு மற்றும் வெங்காயத்தை சேர்த்து நன்கு பொன்னிறமாக வதக்க வேண்டும்.
* அதன் பின் சிக்கனை சேர்த்து, உப்பு, மிளகாய் தூள், கரம் மசாலா சேர்த்து நன்கு கிளறி விட வேண்டும்.
* பின் வாணலியை மூடி வைத்து, குறைவான தீயில் சிக்கனை நன்க வேக வைக்க வேண்டும். தேவைப்பட்டால் சிக்கன் வேகும் அளவு சிறிது நீர் சேர்த்து சிக்கனை வேக வைத்துக் கொள்ளலாம்.
* இறுதியில் அரைத்த பாலக் கீரை மற்றும் பிரஷ் க்ரீம் சேர்த்து நன்கு கிளறி, குறைவான தீயில் 4-5 நிமிடம் வேக வைத்து இறக்கினால், சுவையான பாலக் சிக்கன் தயார்.
Image Courtesy: archanaskitchen
இந்த பதிவின் மூலமாக பாலக் சிக்கன் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி பாலக் சிக்கன் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
