நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான ஆந்திரா ஸ்டைல் முருங்கைக்காய் மசாலா பிரட்டல் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
ஆந்திரா ஸ்டைல் முருங்கைக்காய் மசாலா பிரட்டல் ரெசிபியின் எளிய செய்முறையை தெரிந்து கொள்ள தொடர்ந்து படியுங்கள். அதோடு இந்த ரெசிபியை உங்கள் வீட்டில் முயற்சித்து எப்படி இருந்தது என்றும் எங்களுடன் உங்கள் கருத்துக்களைப் பகிர்ந்து கொள்ளுங்கள்.
தேவையான பொருட்கள்:
* முருங்கைக்காய் – 1
* வெங்காயம் – 1 (பொடியாக நறுக்கியது)
* இஞ்சி பூண்டு விழுது – 1 டேபிள் ஸ்பூன்
* மிளகாய் தூள் – 1 டீஸ்பூன்
* மஞ்சள் தூள் – 1/2 டீஸ்பூன்
* உப்பு – சுவைக்கேற்ப
அரைப்பதற்கு…
* வறுத்த வேர்க்கடலை- 1/2 கப்
* மல்லி – 1 டேபிள் ஸ்பூன்
* கிராம்பு – 2
* பட்டை – 1 இன்ச்
* துருவிய தேங்காய் – 1 டேபிள் ஸ்பூன்
* தக்காளி – 1 (நறுக்கியது)
செய்முறை:
* முதலில் ஒரு வாணலியை அடுப்பில் வைத்து, அதில் அரைப்பதற்கு கொடுத்துள்ள பொருட்களில் தக்காளியைத் தவிர, மற்ற அனைத்து பொருட்களையும் ஒவ்வொன்றாக போட்டு, பொன்னிறமாக வறுத்து இறக்கி குளிர வைக்க வேண்டும்.
* பின்பு அதை மிக்சர் ஜாரில் போட்டு, அத்துடன் தக்காளியையும் சேர்த்து நன்கு அரைத்துக் கொள்ள வேண்டும்.
* பின் ஒரு வாணலியை அடுப்பில் வைத்து, அதில் எண்ணெய் ஊற்றி சூடானதும், இஞ்சி பூண்டு விழுது, வெங்காயம் சேர்த்து வதக்க வேண்டும்.
* பிறகு அரைத்து வைத்துள்ள மசாலா, மிளகாய் தூள், மஞ்சள் தூள் மற்றும் உப்பு சேர்த்து நன்கு மசாலாவை வேக வைக்க வேண்டும்.
* பத்து நிமிடம் கழித்து, அதில் முருங்கைக்காயை சேர்த்து, சிறிது நீர் ஊற்றி, சுவைக்கேற்ப உப்பு சேர்த்து கிளறி, மூடி வைத்து, மீண்டும் பத்து நிமிடம் வேக வைக்க வேண்டும்.
* முருங்கைக்காய் நன்கு வெந்ததும், அதில் இருந்து எண்ணெய் வெளிவர ஆரம்பிக்கும். அப்போது அடுப்பை அணைத்து இறக்கினால், சுவையான ஆந்திரா ஸ்டைல் முருங்கைக்காய் மசாலா பிரட்டல் தயார்.
Image Courtesy: archanaskitchen
இந்த பதிவின் மூலமாக ஆந்திரா ஸ்டைல் முருங்கைக்காய் மசாலா பிரட்டல் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி ஆந்திரா ஸ்டைல் முருங்கைக்காய் மசாலா பிரட்டல் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
