நமது தளத்தில் பல்வேறு சமையல் செய்முறைகள் பற்றி பதிவிட்டு வருகிறோம் அதன் தொடர்ச்சியாக, இந்த பதிவில் சுவையான வாழைப்பூ கட்லெட் ரெசிப்பி செய்வது எப்படி என்று பார்க்கப் போகிறோம். இதனை முயற்சி செய்து உங்களின் பிரியாமானவர்களுக்கு அளித்து மகிழுங்கள்…
உங்கள் வீட்டில் உள்ளோர் கட்லெட்டுகளை விரும்பி சாப்பிடுவார்களா? அவர்களுக்கு வழக்கமாக செய்யும் கட்லெட்டுகளை விட, சற்று வித்தியாசமான கட்லெட் செய்து கொடுக்க விரும்புகிறீர்களா? உங்கள் வீட்டில் வாழைப்பூ உள்ளதா? அப்படியெனில் வாழைப்பூவைக் கொண்டு கட்லெட் செய்து கொடுங்கள். இந்த வாழைப்பூ கட்லெட் மிகவும் சுவையாக இருப்பதோடு, செய்வதற்கு சற்று சுலபமாகவும் இருக்கும்.
தேவையான பொருட்கள்:
* வாழைப்பூ – 1 கப் (பொடியாக நறுக்கியது)
* உருளைக்கிழங்கு – 2
* வெங்காயம் – 1 (பொடியாக நறுக்கியது)
* இஞ்சி – 1/2 இன்ச் (பொடியாக நறுக்கியது)
* பூண்டு – 8-10 (பொடியாக நறுக்கியது)
* பச்சை மிளகாய் – 5-6 (பொடியாக நறுக்கியது)
* கறிவேப்பிலை – சிறிது (பொடியாக நறுக்கியது)
* மஞ்சள் தூள் – 1/4 டீஸ்பூன்
* மிளகு தூள்- 1 டீஸ்பூன்
* கரம் மசாலா – 1/2 டீஸ்பூன்
* கொத்தமல்லி – சிறிது (நறுக்கியது)
* எலுமிச்சை சாறு – 1 டீஸ்பூன்
* முட்டை வெள்ளைக்கரு – 1-2
* பிரட் தூள் – 1/4 கப்
* உப்பு – சுவைக்கேற்ப
* எண்ணெய் – பொரிப்பதற்கு தேவையான அளவு
செய்முறை:
* வாழைப்பூவை பொடியாக நறுக்கி, அதை உப்பு மற்றும் மஞ்சள் தூள் கலந்த நீரில் 15 நிமிடம் ஊற வைத்து, பின் வாழைப்பூவில் உள்ள அதிகப்படியான நீரைப் பிழிந்துவிட்டு தனியாக ஒரு பாத்திரத்தில் போட்டுக் கொள்ள வேண்டும்.
* உருளைக்கிழங்கை வேக வைத்து தோலுரித்து மசித்து, உப்பு மற்றும் மஞ்சள் தூள் சேர்த்து பிசைந்து கொள்ள வேண்டும்.
* ஒரு வாணலியை அடுப்பில் வைத்து, அதில் சிறிது எண்ணெய் ஊற்றி சூடானதும், நறுக்கிய வெங்காயத்தை சேர்த்து பொன்னிறமாக வதக்க வேண்டும்.
* பின் அதில் பச்சை மிளகாய், இஞ்சி, பூண்டு சேர்த்து 2 நிமிடம் வதக்கி, வாழைப்பூவை சேர்த்து, சிறிது உப்பு தூவி கிளறி, 2 நிமிடம் மூடி வைத்து வேக வைக்க வேண்டும்.
* பின்பு மூடியைத் திறந்து கிளறி, மஞ்சள் தூள், மிளகாய் தூள், மிளகுத் தூள் மற்றும் கரம் மசாலா சேர்த்து நன்கு சில நொடிகள் கிளறி, எலுமிச்சை சாறு, மசித்த உருளைக்கிழங்கு, கறிவேப்பிலை சேர்த்து குறைவான தீயில் நன்கு வதக்கி இறக்கி குளிர வைக்க வேண்டும்.
* பிறகு முட்டையின் வெள்ளைக்கருவில் உப்பு சிறிது சேர்த்து கலந்து கொள்ள வேண்டும். பின் குளிர வைத்த வாழைப்பூ கலவையை சிறு உருண்டைகளாக உருட்டி தட்டையாக தட்டி, முட்டையில் நனைத்து, பிரட் தூளில் பிரட்டி ஒரு தட்டில் வைத்துக் கொள்ள வேண்டும்.
* பின்னர் ஒரு பேனை அடுப்பில் வைத்து, அதில் பொரிப்பதற்கு தேவையான அளவு எண்ணெய் ஊற்றி சூடானதும், கட்லெட்டுகளை போட்டு முன்னும் பின்னும் பொன்னிறமாக பொரித்து எடுத்தால், வாழைப்பூ கட்லெட் தயார்.
Image Courtesy: yummyoyummy
இந்த பதிவின் மூலமாக வாழைப்பூ கட்லெட் எப்படி செய்வது என்பதை பற்றி தெரிந்து கொண்டிருப்பீர்கள் என்று நம்புகிறோம். நீங்களும் இதை பின்பற்றி வாழைப்பூ கட்லெட் ரெசிப்பி செய்து எப்படி இருந்தது என்று கமென்ட் செய்யுங்கள் அல்லது உங்களுக்கு ஏதேனும் சந்தேகங்கள் இருந்தாலும் கமென்ட் செய்யுங்கள் பதிலளிக்கிறோம். உங்களுக்கு இந்த பதிவு மிகவும் பயனுள்ளதாக இருந்தால் உங்களுடைய நண்பர்களுக்கு பகிருங்கள். .
